تۇرمەدەن شىققاندارعا «قاقپا الدىنداعى كەزدەسۋ» جوباسى كومەكتەستى - فوتو

سوتتالعاندار جازاسىن وتەپ شىققان سوڭ قايدا بارادى؟ بۇل سۇراقتىڭ جاۋابى تۇرمە ىشىندە قويىلدى.

بۇگىن اقتوبە وبلىسى بويىنشا قىلمىستىق اتقارۋ جۇيەسى دەپارتامەنتى مەن ك ا-168/2 تۇزەۋ مەكەمەسى قاۋىپسىزدىگى ورتاشا سوتتالعاندارمەن كەزدەسۋ وتكىزدى. تۇزەتۋ مەكەمەسىندە «قاقپا الدىندا كەزدەسۋ» جوباسى قولعا الىندى.

«قاقپا الدىندا كەزدەسۋ» جوباسىنىڭ ماقساتى - سوتتالعانداردى الەۋمەتتىك بەيىمدەۋ، قىلمىستىڭ قايتالانۋىن الدىن الۋ. تۇزەتۋ مەكەمەسىنەن شىققان ادامداردىڭ پروبلەمالارىن انىقتاۋ جانە شەشۋ جوباسىنا جەرگىلىكتى اتقارۋشى ورگاندار جانە قوعامدىق ۇيىمدار قاتىستى.

جوبا اياسىندا الەۋمەتتىك بايلانىستاردى ورناتۋ، كاسىبي ءبىلىم الۋ، بىلىكتىلىگىن ارتتىرۋ، جۇمىسپەن قامتۋ، كەپىلدى مەديتسينالىق كومەگىن الۋ، قۇقىقتىق كومەك، قۇجاتتارىن قايتا قالپىنا كەلتىرۋ ىسكە اسىرىلىپ جاتىر»، - دەدى ك ا 168/2 تۇزەتۋ مەكەمەسىنىڭ ءبولىم باستىعى باعدات يسمايلوۆ.

ەسىرتكى زاتتارىن زاڭسىز ساقتاعانى ءۇشىن 3 جىلعا باس بوستاندىعىنان ايىرىلىپ، جازاسىن وتەگەن ا. ساعىنبەكوۆ بۇگىن تۇزەتۋ مەكەمەسىنەن شىقتى. ول الدىمەن جان-جاقتى اقپاراتتاندىرىلىپ، دەنساۋلىعىن تەكسەرتىپ الدى.

«قاقپا الدىنداعى كەزدەسۋ» وتە جاقسى ۇيىمداستىرىلعان. ال پروباتسيا ۇيىندە الەۋمەتتىك جاعدايىم انىقتالىپ، مەديتسينالىق تەكسەرۋدەن ءوتتىم. ماماندار بىلىكتىلىكتى ارتتىرۋ، جۇمىسقا ورنالاسۋ باعدارلامالارى بويىنشا ءتۇسىندىرۋ جۇمىسىن جۇرگىزدى.

«شىنىمدى ايتسام، مۇنداي كومەكتى كۇتپەدىم. بارلىعىنا راحمەت ايتامىن. بۇل جەرگە قايتا ورالعىم كەلمەيدى»، - دەدى ا. ساعىنبەكوۆ.

ايتا كەتەيىك، اقتوبە قالاسىندا «پروباتسيا ءۇيى» جۇمىس ىستەپ تۇر. مۇندا قۇقىق قورعاۋ ورگاندارىندا ەسەپتە تۇرعان ادامدارعا الەۋمەتتىك- قۇقىقتىق كومەك كورسەتىلەدى. پروباتسيا ۇيىندە اقتوبە قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ، وبلىستىق ادىلەت دەپارتامەنتىنىڭ، ءبىلىم بەرۋ، دەنساۋلىق ساقتاۋ باسقارمالارىنىڭ، اقتوبە قالاسىنىڭ الەۋمەتتىك بەيىمدەلۋ ورتالىعىنىڭ، پروكۋراتۋرانىڭ قىزمەتكەرلەرى تۇراقتى جۇمىس ىستەيدى.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى