استاناداعى «انالار ۇيىندە» تۇرىپ جاتقان قىزدار ايانىشتى تاعدىرىن بايانداپ بەردى - فوتو

ولار ورتالىققا قالاي كەلگەندەرىن، باسىنان وتكەن وقيعالارىن ايتىپ بەردى.

بۇل تۋرالى ەكسپرەسس ك حابارلايدى.

«انالار ۇيىندە تۇرىپ جاتقانىما ءبىر جىل بولدى. ءوزىم تارازدىڭ تۋماسىمىن. استانادا 10 جىلدا بەرى تۇرىپ جاتىرمىن. اتا-انام قىزىم بار ەكەنىن بىلمەيدى. جىگىتىمە جۇكتى ەكەنىمدى ايتقاندا، اكە بولۋعا دايىن ەمەس ەكەنىن ايتتى. سوسىن ەكى اي ەمحانادا جاتتىم. جاسىم 30 دا. ءوز ۇيىمە بارا المايمىن. انالار ۇيىندە پسيحولوگتار كوپ نارسەگە ۇيرەتتى. جاقىندا قىزىمدى بالا- باقشاعا ورنالاستىرام دەپ وتىرمىن. تانىستارىم جۇمىس ۇسىنىپ وتىر. وسىندا ءجۇرىپ تىگىن تىگىپ ۇيرەندىم. انالار ۇيىنە كەلگەنىمە قۋانام. بۇل جەر بولماسا، قايدا بارار ەدىم»، -  دەيدى الفيا ەسىمدى بويجەتكەن.

«مەنىڭ اتا- انام استانادا تۇرادى، ءبىراق ولاردىڭ بالام ەكەۋمىزدى اسىرايتىنداي جاعدايى جوق. سۇيگەن جىگىتىم مەنى الداپ كەتتى. ابورت جاسات دەدى، ءبىراق مەن ودان باس تارتتىم. سولاي ىستەگەنىمە وكىنبەيمىن دە»، - دەيدى 18 جاستاعى مادينا.

«مەن كۇيەۋىممەن اجىراسقاندا ءوزىمنىڭ ەگىز بالاعا جۇكتى ەكەنىمدى بىلمەدىم. ۇيىمە ءبىر ايەل كەلىپ، مەنىڭ كۇيەۋىمنەن جۇكتى ەكەنىن ايتتى. ول مەنەن جالىنىپ سۇراپ، بالاسىن اكەسىز قالدىرماۋدى ءوتىندى. ۋزي ناتيجەلەرىن دە كورسەتتى. ول بوسانعان سوڭ مەن اجىراسۋعا ارىز بەردىم. ءوزىم باستاۋىش سىنىپ ءمۇعالىمىمىن. سوندىقتان بالالارىمدى اسىراۋعا شاماما جەتەدى»، - دەيدى ەسىمىن جاسىرعان كەلىنشەك.

«ال ءسىزدىڭ ماقالاڭىزدىڭ تاقىرىبى قالاي بولادى؟ بۇل انالار ۇيىنە جارناما ەمەس پە؟»، - دەپ جاس قىز اڭگىمەگە ارالاستى.

«جىگىتىم اكە بولۋعا دايىن ەمەستىگىن ايتتى. اتا- انام ابورت جاساماساڭ ورالعا قايتىپ كەلمەۋ كەرەكتىگىمدى ايتتى» - دەيدى ول.

«مەنىڭ جاسىم 21 دە. شەت تىلدەر فاكۋلتەتىندە وقيمىن. قۇربىم تارازدان وسى جەرگە بوسانۋىما 4 كۇن قالعاندا الىپ كەلدى. بالامنىڭ اكەسى الماتىعا قاشىپ كەتتى، ءبىراق مەن وعان رەنجىمەيمىن. اتا- انام قايدا ەكەنىمدى بىلمەيدى. ءبىر ادامدار بالامدى سولارعا بەرۋىمدى ءوتىندى، ءبىراق مەن باس تارتتىم. قازاقتاردا «ءار بالا ءوز نەسىبەسىمەن تۋادى» دەگەن ءسوز بار. اللادان ءۇمىتىمدى ۇزبەيمىن. مەن باقىتتىمىن. ءومىرىمىنىڭ ءمانى - بالام. ءبارى دە جاقسى بولادى»، - دەيدى ءاليا ەسىمدى بويجەتكەن.

«انام مەنى پەرزەنتحاناعا تاستاپ كەتكەن. بالالار ۇيىندە ءوستىم. اتا- اناسىز ءوسۋدىڭ قانداي قيىن ەكەنىن بىلەم. سوندىقتان انا بولاتىنىمدى بىلگەندە بالامنان باس تارتپايمىن دەپ شەشتىم. اكەسىنە بالاسىنىڭ سۋرەتىن جىبەردىم. ول اكەسىنەن ۇقساعان. ءبىراق ەشقانداي جاۋاپ بولعان جوق. انالار ءۇيى جايلى عالامتوردان ەستىدىم»، - دەيدى 30 جاستاعى دينارا.

* * *

«بۇل قىزداردىڭ بارلىعى جاقىندارى باس تارتقان جاندار. قىز بالا انا اتانار كەزدە جاقىندارىنىڭ قولداۋىنا ءزارۋ بولادى ەمەس پە؟ بايقاعان شىعارسىزدار، مۇنداعى قىزداردىڭ ءبارى سىرتتان كەلگەندەر. وقۋعا، جۇمىس ىستەۋگە كەلەدى. اتا- اناسىنان بولەك تۇرادى. عاشىق بولعان جىگىتى وتباسىلى بولىپ شىعادى نە ءوزىن تاستاپ كەتەدى»، - دەيدى «انالار ءۇيىنىڭ» كوورديناتورى ايجان ديحانوۆا.

- ال سىزدەرگە جەڭىل ءجۇرىستى قىزدار كەلە مە؟

- ولار مۇنداي جاعدايدا ساقتانۋى بىلەدى. سوندىقتان جۇكتى بولىپ قالمايدى. ال، ءبىزدىڭ قىزدار سەنگىش كەلەدى. كوپشىلىگى اتا-اناسىز وسكەن جاندار.

جانار داۋتوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى