ءمادينا ءسادۋاقاسوۆا جارناماعا تۇسكەنى ءۇشىن سىناعاندارعا جاۋاپ بەردى

 ءمادينانىڭ پىكىرىنشە، تانىمال ادامنىڭ جارناماعا ءتۇسۋى قالىپتى نارسە. بۇل تاجىريبە الەمنىڭ بارلىق ەلدەرىندە قولدانىلادى.

بۇل تۋرالى 31 ارنانىڭ «ايتا بەرسىن» باعدارلاماسىندا ايتىلدى، دەپ جازادى Stan.kz.

«جارناماعا تۇسكەنىمدى كەيبىر ادامدار كوزدەرى ۇيرەنبەگەندىكتەن جاقسى قابىلداعان جوق. سىندار دا ايتىلدى. ءبىراق ەندى ول كوپ ەلدەردە قولدانىلاتىن دۇنيە. كوپتەگەن حالىققا تانىمال انشىلەر، اكتەرلەر، سپورتشىلار بولسىن، جارناماعا تۇسەدى. وندا تۇرعان ەشتەڭە جوق دەپ ويلايمىن»، - دەيدى ءمادينا.

ءبىر قىزىعى، جارناماعا ءتۇسۋ ءۇشىن ءمادينا شاشىنىڭ تابيعي ءتۇسىن وزگەرتكەن.

«شوكولادتىڭ جارناماسىندا مەن كارامەل بولدىم. ول قارا شوكولاد ەمەس، ىشىندەگى كارامەل. ونىڭ ءتۇسى سارعىشتاۋ عوي. سوندىقتان كيگەن كويلەگىم دە، جاساعان مەيكابىم دا، بارلىعى سول تۇسكە سايكەس بولۋى كەرەك. مەنىڭ قارا شاشىم جارناماشىلارعا ىڭعايسىزداۋ بولدى. ولار وسىنداي تۇسكە بوياسام جاقسى بولاتىنىن ايتتى»، - دەپ اعىنان جارىلدى ءانشى.

دەگەنمەن ءمادينانى شاشىنىڭ ءتۇسىن وزگەرتۋگە ەشكىم كۇشتەمەگەن.

«نەگىزى ءوزىمنىڭ ويىم بولعان. بالامنىڭ شاشى ساپ- سارا، جولداسىم دا قوڭىرلاۋ. شاشىڭىزدىڭ ءتۇسىن وزگەرتپەسەڭىز، جارناماعا تۇسپەيسىز دەگەن شارت بولعان جوق. ۇسىنىس بولدى»، - دەيدى ءمادينا.

ءمادينا وزگە ارىپتەستەرى سەكىلدى ءار نارسەنى ءبىر جارناماي بەرمەيدى. ءانشى Instagram عا اندا- ساندا ءبىر سالاتىن جارناماسىنىڭ ءوزىن ارنايى مامانعا تەكسەرتەدى ەكەن.

«مەن جارنامالايتىن نارسەنىڭ مىندەتتى تۇردە ساپاسى جوعارى بولۋى كەرەك. سونىڭ ءبارىن قاداعالاپ وتىراتىن جارناما بويىنشا شتاتتاعى قىزمەتكەرىم بار. Instagram داعى جارناما دا سولاي. مەن كوبىنەسە باس تارتامىن. ونى وزدەرىڭىز دە بايقايتىن شىعارسىزدار. مەندە كوپ جارناما جوق»، - دەپ تۇيىندەدى ءسوزىن ءمادينا ءسادۋاقاسوۆا. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى