نازاربايەۆ استانادا كوپ جىلدان بەرى پاتەرسىز جۇرگەن تۇرعىندارعا نازار اۋدارۋدى تاپسىردى

«پاتەر الۋ كەزەكتەرى بارىنەن بۇرىن تىركەۋگە تۇرۋ ماسەلەلەلەرىمەن بايلانىستى. بولەك ءبىر عيماراتتاردا ونداعان نەمەسە جۇزدەگەن ازامات تىركەۋگە تۇرادى. قالانىڭ وڭتۇستىك شىعىسى اۋدانىنداعى ۇيلەردىڭ بىرىندە 1700 دەن استام ادام تىركەلگەن. تەك ءبىر عانا ۇيدە وسىنشاما ادام تىركەۋگە ەنگىزىلگەن. «پريگورودنىي» شاعىن اۋدانىندا ورنالاسقان جاتاقحاناداعى ءبىر بولمەدە 1200 ادام تىكەلگەنى ءمالىم بولدى. ارينە، بۇل ادامداردىڭ سول بولمەلەردە تۇرمايتىنى بەلگىلى. الايدا تىركەلىپ، مەملەكەتتىك باسپاناعا ۇمىتكەر رەتىندە بەلگىلەندى»، - دەدى پرەزيدەنت.

مەملەكەت باسشىسى الەۋمەتتىك تۇرعىدا از قامتىلعاندار ارەندالىق باسپانانى الۋى ءتيىس ەكەنىن جەتكىزدى.

پرەزيدەنت باسقا ساناتتاعىلار ءتۇرلى تۇرعىن ءۇي باعدارلامالارىنا قاتىسۋ قاجەت ەكەنىن، وسى ورايدا تۇرعىن ءۇي جيناق جۇيەسىندەگى، نەسيەلىك جانە يپوتەكالىق باعدارلامالارعا قاتىسقاندىعى دۇرىس بولاتىنىن اتاپ ءوتتى.

«شىن مانىندە باسقا وڭىردەن كەلىپ، ءبىر بولمەگە مىڭ ادام تىركەۋگە تۇرادى. ناتيجەسىندە، ءبىر اي بۇرىن الىستان كەلگەن بىرەۋگە پاتەر بەرىلەدى. ال بۇرىننان وسىندا جۇمىس ىستەپ، بىرتىندەپ اقشا جيناعان استانا تۇرعىندارى پاتەر الماي، ءالى دە ءجۇر»، - دەدى مەملەكەت باسشىسى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى