بوكس تۋرالى قازاقستاندىق فيلم سپورتتىق كينوفەستيۆالدە جۇلدەگە يە بولدى

«قازاق فيلمنىڭ» باسپا ءسوز قىزمەتىنىڭ حابارلاۋىنشا، اتالمىش فيلم قازاقستانداعى ەڭ ايگىلى سپورت ءتۇرى - بوكس تۋرالى باياندايدى. كارتينا ەرەجەسىز جەكپە- جەككە قاتىساتىن جاس جىگىت تۋرالى.

 «جول» فيلمىنىڭ ءتۇسىرىلىمى الماتى قالاسىندا ءوتتى. ءتۇسىرىلىم جۇمىستارىنىڭ ءبىر بولىگى قالاداعى «باراحولكا» اتالىپ كەتكەن بازاردا تۇسىرىلسە، جاتتىعۋ جۇمىستارى بەينەلەنگەن كورىنىستەر قازاق ۇلتتىق اگرارلىق ۋنيۆەرسيتەتىنىڭ سپورت زالىندا جۇرگىزىلدى. فيلمدەگى باستى ءرولدى «G. H. A. D» مۋزىكالىق توبىنىڭ ءانشىسى، جاس اكتەر نازار شارحان سومداعان. ال باس كەيىپكەردىڭ سۇيىكتىسىنىڭ رولىندە ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى دينارا جۇماعاليەۆا ويناعان.

 ال كارتينا بارىسىنداعى ەڭ جاعىمسىز كەيىپكەردىڭ بەينەسىنە ق ر ەڭبەك سىڭىرگەن ءارتيسى ديماش احيموۆ («سوڭعى اسۋ»، «پريميتە اداما!» ). سونىمەن قاتار فيلمدە جاتتىقتىرۋشىنىڭ ءرولىن - ق ر ەڭبەك سىڭىرگەن ءارتيسى ەرىك جولجاقسىنوۆ، تەمىرلاننىڭ اكەسىنىڭ ءرولىن - ەرجان ءتۇسىپوۆ («ءسىز كىمسىز كا مىرزا؟» ) وينايدى.

 ەسكە سالا كەتسەك، 2003- جىلى قۇرىلعان «كراسنوگورسكي» حالىقارالىق فەستيۆال - شىعىس ەۋروپاداعى جانە تمد ەلدەرىندەگى ءىرى سپورتتىق كينوبايقاۋ. كينوفەستيۆال پرەزيدەنتى - الەمنىڭ ءۇش دۇركىن وليمپيادا چەمپيونى، الەمنىڭ ون دۇركىن چەمپيونى، ون ءبىر رەت ەۋروپا چەمپيونى - يرينا رودنينا. بيىلعى جىلى فەستيۆال باعدارلاماسىنا 100-گە جۋىق سپورت تۋرالى كينوتۋىندىلار تۇسكەن.

فەستيۆالگە قاتىسۋ ءۇشىن تاڭداپ الىنعان 70-كە جۋىق كوركەم جانە دەرەكتى كينوفيلمدەر 15 ەلدەن ۇسىنىلعان. ولاردىڭ اراسىندا: رەسەي، اۆستريا، بەلارۋس،  ۇلى بريتانيا، گەرمانيا، يسپانيا، يتاليا، قازاقستان، كانادا، مولدوۆا جانە ت. ب.

 «جول» فيلمى الماتىداعى بازارلاردىڭ بىرىندە جۇمىس ىستەپ وعان قوسىمشا جاسىرىن وتكىزىلەتىن ەرەجەسىز توبەلەس جارىستارىنا قاتىسىپ جۇرگەن كوشە توبەلەسىمەن شىنىققان جاس جىگىتتىڭ ءومىر- تاريحى باياندالادى. ۋاقىت وتە كەلە ول ازامات ءوزى ءۇشىن كاسىپقوي بوكستىڭ رينگى - ومىرىندەگى ەڭ ماڭىزدى دۇنيە ەكەنىن تۇيسىنەدى. ول كوشە توبەلەسى مەن قويىلاتىن ءباس اقىدان قۇرالعان كۇندەلىكتى تىرشىلىگىن تاستاپ بوكسەرلىك كلۋبقا كەلەدى. الايدا ونى وتكەن كۇندەردىڭ ەلەسى ەركىنە قويا بەرۋگە بەيىل ەمەس...

 رولدەردە: نازار شارحان، دۋلات جۇماقادىر، ەرجان ءتۇسىپوۆ، ديماش احيموۆ، ەرىك جولجاقسىنوۆ، دينارا جۇماعالييەۆا، ەربولات توعىزاقوۆ جانە باسقالار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى