قازىناسىن تاپپاي قالعان قىزىلوردالىق ەنە كەلىنىن ءۇش جىلعا سوتتاتىپ جىبەردى
كەلىنى ءۇيىنىڭ اۋلاسىنداعى سارايدا تۇرعان ەنەسىنىڭ ساندىعىنان ءىرى كولەمدە اقشا ۇرلاعان. ول ساندىقتىڭ قۇلپىن كىلتپەن اشىپ، ىشىندە تۇرعان 3200000 تەڭگە اقشانى جىمقىرعان.
كەلىننىڭ ارەكەتىن جابىرلەنۋشى مەن كۋاگەرلەر دە راستادى. سوتتا كەلىنى ەنەسىنىڭ اقشاسىن العانىن ءوزى دە مويىندادى.
قازالى اۋداندىق سوتىنىڭ باسپا ءسوز قىزمەتى مالىمدەگەندەي، سوت ۇكىمىمەن سوتتالۋشى قىلمىستىق كودەكستىڭ 188-بابى 3-ءبولىمى بويىنشا كىنالى دەپ تانىلدى. وعان قاتىستى 3 جىلعا باس بوستاندىعىنان ايىرۋ جازاسى تاعايىندالدى.
قىلمىستىق كودەكستىڭ 63-بابىنا سايكەس تاعايىندالعان جازا سول مەرزىمگە شارتتى دەپ ەسەپتەلىپ، تاعايىندالعان مەرزىمگە پروباتسيالىق باقىلاۋ بەلگىلەندى.
