وزگە ەلدە دۇنيەگە كەلگەن قازاق قازىرعى قاي ايگىلى بوكىسشىنى نوكداۋنعا جىبەرگەنىن بىلەسىز بە – فوتو، كەسكىن

سونىڭ ىشىندە بوكس الەمى ءوز الدىنا ءبىر توبە. قازىر الەمدە قازاق بوكس مەكتەبى جايلى ايتىلا باستادى. وعان سەبەپ - ءالى جەڭىلىپ كورمەگەن گەننادي گولوۆكين جانە وليمپيادا ويىندارىنان بىلعارى قولعاپ شەبەرلىگى سايىسىندا التىنسىز قايتپايتىن بوكسشىلارىمىز.

وتكەنگە ءبىر ورالساق... بۇگىندە الەم تانىعان، ءتىپتى ءالى ەشكىمنىڭ اۋىزى باتىپ جامباسىنا سالا الماعان اندرە ۋوردتىڭ اتىن اتاساق، بارلىعىڭىز «تانيمىز» دەپ باس شۇلعيسىزدار. ءبىراق ءالى جەڭىلىپ كورمەگەن، جارتىلاي اۋىر سالماقتاعى ا ق ش ەلىنىڭ سپورتشىسىن نوكداۋىنعا ءبىر ەمەس، بىرنەشە رەت جىبەرگەن قازاق تۋرالى ەستىپ پە ەدىڭىز؟

ەستىمەگەن قۇلاقتا جازىق جوق. ەندەشە بىلە ءجۇرىڭىز، ول - حايداروۆ ۇتقىربەك ابدۋجاليل ۇلى.

1974-جىلى قاڭتاردىڭ جيىرما بەسىنشى جۇلدىزىندا وزبەكستاندا دۇنيەگە كەلگەن قازاق. ازاماتتىعى وزبەك بولعانىمەن تەگى قازاق ەكەنىن بىلگەن ءجون. 1999-جىلى الەم چەميپونى اتانعان. 2004-جىلى افينادا وتكەن وليمپيادانىڭ قولا جۇلدەگەرى.

ءيا، 2004-جىلى وليمپيادا كەزىندە ا ق ش- تىڭ اتىنان ءبىز تانىعان، الەم تانىعان جۇلدىزدى بىلعارى قولعاپ شەبەرى - اندرە ۋورد پەن وزبەكستان ەلىنىڭ اتىنان شىققان قازاق - حايداروۆ ۇتقىربەك 81 كەلى سالماقتا جۇدىرىقتاسىپ، قازاق باۋىرىمىز ۇتقىربەك ۇتقان. ونى ۆيدەودان دا كورۋگە بولادى. تەك ول كەزدە بوكستىڭ نەگىزگى ىرگەسى ا ق ش، كۋبا سەكىلدى جەرلەردە قالانىپ جاتقاندىقتان، بارماق باستى، كوز قىستىلىق بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى