يسلام مەملەكەتى پاريجدەگى لاڭكەستىكتى ءوز موينىنا الدى
پاريج پروكۋرورى فرانسۋا مولەن شابۋىل جاساۋشىنىڭ تۇلعاسى انىقتالعانىن، ءبىراق ونىڭ سىبايلاستارىنىڭ بار-جوعى بەلگىلى بولمايىنشا، ەسىمى جاريالانبايتىنىن اتاپ ءوتتى.
ونىڭ پاريج شىعىسىنداعى ۇيىندە ءتىنتۋ جۇمىستارى ءجۇرىپ جاتىر. «يسلام مەملەكەتى» اتىنان جاريالانعان مالىمدەمەدە ەليسەي الاڭىنداعى شابۋىلدى بەلگيالىق ءابۋ يۋسەفتىڭ جاساعانى ايتىلعان.
فرانسيالىق BFMTV تەلەارناسىنىڭ حابارلاۋىنشا، شابۋىل جاساعان ەر ادام - 39 جاستاعى فرانسيا ازاماتى. ول فرانسۋزدىق ارنايى قىزمەتتەرگە جاقسى تانىس جانە ول پوليتسەيلەردى ولتىرگىسى كەلەتىن پيعىلى تۋرالى Telegram مەسسەندجەرىندە تالقىلاپ كەلگەن. فرانسيا پرەزيدەنتى فرانسۋا وللاند ەليسەي الاڭىنداعى شابۋىلدى تەرراكت دەپ اتادى.
