مامىر مەرەكەلەرىنە وراي استانادا قانداي شارالار وتەدى؟
اشىق الاڭدا تەاترلاندىرىلعان قويىلىم كورسەتىلەدى، وعان ۇلتتىق- مادەني بىرلەستىكتەردىڭ شىعارماشىلىق ۇجىمدارىنىڭ، استانا قالاسىنىڭ مەملەكەتتىك فيلارمونياسىنىڭ ارتىستەرىنىڭ، حورەوگرافيالىق توپتاردىڭ جانە قازاقستاندىق ەسترادا جۇلدىزدارى قاتىسادى، دەپ حابارلادى بۇگىن استانا قالاسىنىڭ مادەنيەت، مۇراعاتتار جانە قۇجاتتاما باسقارماسى.
سونىمەن قاتار، قالا اكىمدىگىنىڭ الدىنداعى الاڭدا (بەيبىتشىلىك ك- ءسى، 11) حالىقتىق سەرۋەن مەن تانىمال ارتىستەردىڭ قاتىسۋىمەن كونسەرت ۇيىمداستىرىلادى. 1- مامىردا ساعات 17:00-دە «استانا» كونسەرت زالىندا «استانا» ەسترادالىق- سيمفونيالىق وركەسترىنىڭ باس ديريجەرى، ەڭبەك سىڭىرگەن ونەر قايراتكەرى الەكساندر ابىلايەۆتىڭ 70 جىلدىعىنا ارنالعان «مەرەيتويعا تارتۋ» اتتى كونسەرتى وتەدى.
6 - مامىردا ەلوردا تۇرعىندارى مەن قوناقتارى «استانا» كونسەرت زالىندا قازاقستاننىڭ ەڭبەك سىڭىرگەن ءارتىسى ەرلان كوكەيەۆتىڭ جەكە كونسەرتىن تاماشالايدى. كونسەرتتىك باعدارلاما ايگىلى «ك-7» توبىنىڭ تانىمال كومپوزيتسيانىڭ قۇرمەتىنە «تانەتس پود دوجدەم» دەپ اتالادى. كورەرمەندەر نازارىنا ەرەكشە ستسەنوگرافياعا نەگىزدەلگەن قويىلىم ۇسىنىلادى. شارا بارىسىندا ەرلان كوكەيەۆتىڭ حالىق ءسۇيىپ تىڭدايتىن ەسكى اندەرىنەن باسقا جاڭا حيتتەر دە ورىندالادى. كونسەرت قوناقتارى - «دوس- مۇقاسان» ۆ ا ا، جاننا ورىنباساروۆا جانە «ا ب ك» توبى.
7 - مامىردا ەلوردادا قازاقستان رەسپۋبليكاسىنىڭ قارۋلى كۇشتەرىنىڭ 25 جىلدىعىنا ارنالعان اسكەري پاراد وتەدى. قازىرگى كەزدە جەڭىس كۇنىنە دايىندىق جۇرگىزىلۋدە. مەرەكەلىك شارالار لەگى ۇلى وتان سوعىسىندا قازا بولعاندارعا تاعزىم ەتۋ راسىمىنەن باستالادى. 8- مامىردا ورتالىق قالالىق زيراتتا ۇلى وتان سوعىسى جىلدارىندا العان جاراقاتتاردان كوز جۇمعان جاۋىنگەرلەردىڭ زيراتىنا «داڭق گۇل تىزبەگى» مەن گۇل شوعى قويىلادى. مۇنىمەن قوسا، وسى كۇنى «استانا» كونسەرت زالىندا مارجان اراپبايەۆا، قايرات باەكەنوۆ، رينات مالساگوۆ، رۇستەم نۇرجىگىتوۆ جانە تاعى باسقالاردىڭ قاتىسۋىمەن 9 - مامىر - جەڭىس كۇنىنە ارنالعان كونسەرت وتەدى.
جەڭىس كۇنى «وتان قورعاۋشىلار» مونۋمەنتىنە «داڭق گۇل تىزبەگىن» قويۋ سالتاناتى جانە وتان سوعىسىنا قاتىسۋشىلاردىڭ ۇرپاقتارىنىڭ «استانا جاۋجۇرەك پولكى - الەم مارشى» شەرۋى ۇيىمداستىرىلادى. شاراعا قاتىسۋشىلار ساعات 12:30-دا «قازاق ەلى» مونۋمەنتىنىڭ الدىندا جينالادى، شەرۋ «وتان قورعاۋشىلار» مونۋمەنتىنىڭ جانىندا اياقتالادى.
سونداي- اق، «ستۋدەنتتىك» ساياباقتا اسكەري قالاشىق ورنالاسادى، وندا 11 اسكەري پالاتكا قويىلادى، سوعىس ارداگەرلەرى مەن تىل ەڭبەككەرلەرىنە ارنالعان مەرەكەلىك داستارقان جايىلادى.
9- مامىردا قالالىق الاڭدا جانە «ستۋدەنتتىك» ساياباقتا مەرەكەلىك كونسەرت ۇيىمداستىرىلىپ، سوعىس جىلدارىنداعى اسكەري اندەر ورىندالادى. قازاقستان حالقىنىڭ بىرلىگى كۇنى، وتان قورعاۋشى كۇنى جانە جەڭىس كۇنىن مەرەكەلەۋ اياسىندا ەلوردانىڭ بارلىق مادەني مەكەمەلەرىندە مەرەكەلىك شارالار، كىتاپحانالاردا، مۋزەيلەردە، تەاترلاردا تاقىرىپتىق كورمەلەر، كونسەرتتەر مەن سپەكتاكلدەر وتەدى.
