پاريجدەگى قازاقستاندىق تۋريستەرگە تەراكتى ورنىنا بارماۋ ۇسىنىلدى
ەسكە سالايىق، 20- ءساۋىر كۇنى كەشكە پاريجدىڭ ەليسەي الاڭىندا اتىس بولىپ، سالدارىنان ءبىر پوليتسەي مەرت بولدى، تاعى ەكى ادام جاراقاتتاندى. باعدارشامداردىڭ بىرىندە پاترۋلدىك اۆتوموبيلدىڭ جانىنا كولىك توقتاعان. ودان اۆتوماتپەن قارۋلانعان ەر ادام شىعىپ، قۇقىق ساقشىلارىنا قارسى وق جاۋدىرا باستاعان.
شابۋىل جاساعان ەر ادامنىڭ كوزى جويىلدى، قازىرگى ۋاقىتتا ونىڭ سىبايلاسى ىزدەستىرىلۋدە. پاريجگە ول بەلگيادان پويىزبەن كەلگەنى حابارلانۋدا. سونداي-اق وقيعا بولعان جەردەن ءوتىپ بارا جاتقان شەتەلدىك تۋريست ايەل جاراقاتتاندى. فرانسيا پرەزيدەنتى فرانسۋا وللاند بولعان وقيعانى تەرراكتى دەپ اتادى.
«ق ر مادەنيمەت جانە سپورت مينيسترلىگى تۋريزم يندۋسترياسى كوميتەتى پاريجدەگى قازاقستاندىق تۋريستەرگە وقيعا بولعان ورىننان، سونداي-اق ادام كوپ شوعىرلاناتىن جەرلەردەن الىس جۇرۋگە، پوليتسەيلەردىڭ نۇسقاۋلىقتارىن ورىنداۋعا كەڭەس بەرەدى. فرانسياعا ساپارلار ۇيىمداستىراتىن تۋروپەراتورلارعا بولۋى مۇمكىن قاۋىپتەر مەن قاۋىپسىزدىك تالاپتارى تۋرالى كليەنتتەردى الدىن الا ەسكەرتۋ ۇسىنىلادى» - دەلىنگەن تاراتىلعان حابارلامادا.
