بورالداي ساق قورعانىنا اسپان استىنداعى ارحەولوگيالىق باق سالۋ جوسپارلانعان

ماسەلەن، تاڭبالى شاتقالى مەن ازىرەت سۇلتان ساۋلەت كەشەنى حالىقارالىق تاريحي- مادەني ەسكەرتكىشتەردى قورعاۋ ۇيىمىنىڭ تىزىمىندە تۇر.

سوڭعى جىلدارى قازاق دالاسىندا كوپتەگەن تاريحي مەكەن انىقتالىپ زەرتتەلۋدە. سولاردىڭ ءبىرى جەتىسۋدىڭ وڭتۇستىك باتىسىندا، سۋىقتوبە تاۋىنىڭ ەتەگىندە ورنالاسقان قاستەك قالاشىعى 8-13 - عاسىردا قارلۇق پەن قاراحان قاعاندىعىنان قالعان دەيدى ماماندار. ونى زەرتتەۋ وسىدان 5 جىل بۇرىن عانا باستالعان. ارحەولوگيالىق قازبا جۇمىستارى كەزىندە تۇرمىستىق زاتتار، مۋزىكالىق اسپاپتار، ىدىس- اياق، قارۋ- جاراق بولشەكتەرى، جىلانباس قۇمىرا جانە باسقا دا جۇزدەگەن جادىگەر تابىلعان. الايدا كونە قالاشىقتى مەملەكەتتىك قورعاۋ جاعى ماردىمسىز. ارحەولوگتار وسى ماسەلەنى كوتەرىپ، دابىل قاققانىمەن، ازىرگە وڭ ناتيجە بولماي تۇر.

 ارناباي نۇرجانوۆ، ءا. مارعۇلان اتىنداعى ارحەولوگيا ينستيتۋتىنىڭ باس عىلىمي قىزمەتكەرى:

- بۇل قالاعا كوڭىل اۋدارماسا، ءبىز ونى 2-3 جىلدا جوعالتامىز. ويتكەنى ساتىپ العان ادامدار مال ءوسىرىپ جاتىر، قالانى لاستاپ جاتىر. تاريحي ماڭىزى وتە كەرەمەت. سوندىقتان كەلەشەكتە بۇل قالانى ساقتاپ قالۋىمىز كەرەك.

ال اسپان استىنداعى بورالداي ساق قورعاندارىن تۇبەگەيلى زەرتتەۋ ەندى عانا قولعا الىندى. مۇندا ساق داۋىرىنە جاتاتىن 47 جانە ءۇيسىن تايپاسى كەزەڭىن ايقىندايتىن 200-دەن اسا قورعان، قورىمدار بار. قازىر بورالداي مەملەكەت باقىلاۋىندا.

 سەرجان ساروۆ، الماتى قالاسى مۋزەيلەر بىرلەستىگىنىڭ ءبولىم مەڭگەرۋشىسى:

 - بولاشاققا بۇل ايماققا اسپان استىنداعى ارحەولوگيالىق باق جوسپارلانۋدا. ءۇش ايماق بويىنشا دامىتۋ كوزدەلىپ وتىر. ءبىرىنشى ايماق -1-2 قورعانعا قازبا جۇمىستارى جۇرگىزىلەدى دە وعان مۋزيفيكاتسيالانىپ، حالىق نازارىنا ۇسىنىلاتىن بولادى.

 بۇگىن پارك اۋماعىنا جاس كوشەتتەر وتىرعىزىلدى. بولاشاقتا بۇل جەردى تۋريزم نىسانىنا اينالدىرۋ كوزدەلىپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى