مەملەكەتتىك مەكەمەلەر پاتەردىڭ العاشقى جارناسىن سالۋعا كومەكتەسەدى - نۇرلى جەر

«سوسىن دارىگەرلەر بار، جاڭاعى مۇعالىمدەر بار، باسقا دا مەملەكەتتىك كاسىپورىنداردا ىستەيتىن قىزمەتكەرلەرگە العاشقى جارنانى، ياعني اقشانىڭ 30 پايىزىن قۇيۋعا كومەكتەسۋگە مۇمكىندىك بەرۋدى قاراستىرۋدامىز. ەندى، 2,5-3 ميلليون تەڭگە العاشقى جارنا قاجەت بولادى عوي. مەملەكەتتىك كاسىپورىندارعا سوعان كومەكتەسۋگە مۇمكىندىك بەرىپ جاتىرمىز. وسىعان بايلانىستى باعدارلاماعا («نۇرلى جەر» - اۆت.) وزگەرىس ەنگىزىپ جاتىرمىز. بۇل ۇلكەن جەڭىلدىك دەپ ويلايمىز. ءبىز ەسەپتەپ كوردىك، قازىر 428 مىڭ ادام كەزەكتە تۇرسا، سونىڭ 187 مىڭى - مەملەكەتتىك قىزمەتكەرلەر، مەملەكەتتىك كاسىپورىنداردا ىستەيتىندەر جانە اسكەري قىزمەتكەرلەر»، - دەيدى جايىمبەتوۆ.

كوميتەت باسشىسىنىڭ ايتۋىنشا، ونداي كومەك مەملەكەتتىك ورگان، ءيا بولماسا، مەملەكەتتىك كاسىپورىننىڭ تابىسى مەن قارجىلىق جاعدايىنا بايلانىستى بولماق. وسى ورايدا قازاقپارات تىلشىسىنە سۇحبات بەرگەن كوميتەتتىڭ باسقارما باسشىسى كەنجەبولات مىڭبايەۆ اتالعان مەحانيزمنىڭ ءمان- جايىن ءتۇسىندىرىپ بەردى.

«اتالمىش كومەكتى كەز كەلگەن ادامنىڭ الا المايتىنى بەلگىلى. ونى شىنىمەن دە باسپاناعا مۇقتاج ازاماتتار عانا الۋى ءتيىس. ونداي تاجىريبە كەڭەستەر كەزىندە دە بولعان. مەملەكەتتىك ورگاننىڭ ءوز بيۋدجەتى بار عوي. ول اقشانى 14- جالاقىعا ەمەس، ماشينا الۋعا ەمەس، باسپاناعا مۇقتاج ادامداردىڭ العاشقى جارناسىنا سالسا، ءبىراز ادامداردىڭ باسپانا ماسەلەسىن شەشۋگە بولادى. ماسەلەن، 100 ميلليون قالدى دەيىك، ونى پاتەردىڭ العاشقى جارنالارى رەتىندە نەگە سالماسقا؟ كاسىپوداقتار بار. ولار ءبارىن ءتىزىم بويىنشا قاراپ، مۇقتاج ادامداردى انىقتاي الادى. مەنىڭشە، سولاي بولۋى كەرەك. ءبىراق ول ءۇشىن ءبىر نەگىز بولۋى شارت. سول سەبەپتى باعدارلاماعا ءتيىستى تەتىكتى ەنگىزۋ كەرەك»، - دەپ اتاپ كورسەتتى مىڭبايەۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى