قىتايدا «قۇنانباي» مەن «جاڭعاق تال» فيلمدەرى كورسەتىلىپ جاتىر

قىتايدا اعىلشىن جانە قىتاي سۋبتيترىمەن كورسەتىلگەن «قۇنانباي» فيلمىن تاماشالاۋعا كەلگەن كىسى قاراسى قالىڭ. حاكىم ابايدىڭ اكەسى قۇنانباي وسكەنباي ۇلىنىڭ ءومىرى جايلى تاريحي تۋىندى پروكاتقا 2015 -جىلى شىقتى. بۇل فيلم ەلباسى نۇرسۇلتان نازاربايەۆتىڭ جانە مەملەكەت تاراپىنان دا جوعارى باعاسىن العان. ەندى مىنە قىتايداعى قالىڭ كورەرمەنگە ۇسىنىلىپ وتىر.

«قۇنانباي» بۇعان دەيىن دە حالىقارالىق فەستيۆالگە قاتىسىپ، ۋفادا «ۇلتتىق رۋح» جۇلدەسىن يەلەنگەن.

دوسحان جولجاقسىنوۆ، ق ر حالىق ءارتيسى:

- بۇل نەگىزگى فەستيۆالدىڭ ىشىندە «جىبەك جولى» دەگەن تاريحي كينولارعا ارنالعان ءبولىمى بار ەكەن. ءبىز سوعان قاتىسىپ جاتىرمىز. ەندى الداعى ۋاقىت كورسەتە جاتار. دەيتۇرعانمەن وسى جەردەگى ءبىزدىڭ قانداستارىمىزعا ۇلكەن وقيعا بولىپ جاتقانىن سەزىپ جاتىرمىز، ءبىزدى سول قۋانتادى.

بەيجىڭ حالىقارالىق كينوفەستيۆالى قىتايدىڭ بايلانىس، راديو، كينەماتوگرافيا جانە تەلەارنالار باس باسقارماسىنىڭ ۇيىمداستىرۋىمەن وتەدى. شارا جىل سايىن دامىپ، بۇگىندە ازياداعى كينوفەستيۆالدەردىڭ كوشباسىندا تۇر. بيىل بەيجىڭدەگى 30 كينوتەاتردا 500 گە جۋىق تۋىندى كورسەتىلەدى. ونىڭ ىشىندە نەگىزگى باعدارلاماعا 15 فيلم ىرىكتەلىپ الىنعان. ۇزدىك شىعارمانى بەلگىلى دات رەجيسسەرى بيلل اۆگۋستتىڭ باسشىلىعىمەن حالىقارالىق قازىلار القاسى انىقتايدى.

 دەرەككوز: حابار 24

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى