قىتاي ينسپەكسياسى قوي ەتىن وندىرەتىن قازاقستان كاسىپورىندارىن تەكسەرۋدى باستادى
اعىمداعى جىلدىڭ 19-27 - ءساۋىر ارالىعىندا قىتاي دەلەگاتتارى مينيسترلىك پەن «اتامەكەن» ق ر ۇ ق پ جانە ساراپشىلار قاۋىمداستىعى ۇسىنعان قوي ەتىن وندىرەتىن كاسىپورىندارعا تەكسەرۋ جۇرگىزەدى، دەپ حابارلايدى ق ر ا ش م باسپا ءسوز قىزمەتى.
ارنايى ينسپەكسيا قازاقستاندىق ارىپتەستەرىمەن بىرلەسىپ ەلىمىزدىڭ 5 وڭىرىندەگى ءىرى ەت ءوندىرۋشى كاسىپورىنداردىڭ جۇمىسىمەن تانىسۋدى جوسپارلاپ وتىر.
قازىرگى ۋاقىتتا، قىتايدىڭ س ت ك ب ب ب جانە س ت ب ب- نا الەم بويىنشا 100-دەن اسا مەملەكەت 10 مىڭنان اسا ۇسىنىس تاستاپ كەزەگىن كۇتۋدە. الايدا، ق ر پرەمەر- ءمينيسترىنىڭ ورىنباسارى - اۋىل شارۋاشىلىعى مينيسترى اسقار مىرزاحمەتوۆتىڭ اعىمداعى جىلدىڭ ءساۋىر ايىنىڭ باسىندا قىتاي حالىق رەسپۋبليكاسىنا ءىسساپارى اياسىندا جاسالعان كەلىسسوزدەردىڭ ارقاسىندا، قازاقستاننان تۇسكەن ۇسىنىستارعا ايرىقشا ءمان بەرىلىپ، مەرزىمى جەدەلدەتىلدى.
تەكسەرۋ ناتيجەسىنىڭ قورىتىندىسى بويىنشا، قازاقستاندىق قوي ەتىن قىتاي نارىعىنا شىعارۋعا رۇقسات بەرۋ ماسەلەسى قاراستىرىلادى. سونىمەن قاتار، ق ح ر- گە شىعارىلاتىن قوي ەتى ونىمدەرىنە قويىلعان ۆەتەرينارلىق- سانيتارلىق تالاپتارعا سايكەس بولۋى ءسوز بولادى.
