ەلىمىزدەگى ەڭ تومەن پارا وڭتۇستىك قازاقستان وبلىسىندا

بۇل رەتتە ساۋالناماعا قاتىسۋشىلار ەڭ كوپ سىبايلاس جەمقورلىق جاسايتىندار كەدەن ورگاندارى، ەكونوميكالىق تەرگەۋ جانە كولىك ينسپەكتسياسى ەكەنىن ايتقان، دەپ حابارلادى TVK تەلەارناسى.

ۇ ك پ زەرتتەۋ ناتيجەسىنە سايكەس وبلىستا كەدەن قىزمەتتەرىندە پارانىڭ ورتاشا كولەمى - 40-160 مىڭ تەڭگە، ال ەكونوميكالىق تەرگەۋ قىزمەتتەرىندە - 195 مىڭ تەڭگەگە دەيىن.

سالىق ورگاندارىندا پارا 14-97 مىڭ تەڭگە، ال كولىك باقىلاۋ قىزمەتىندە - 28-115 مىڭ تەڭگە كولەمىندە تۇرلەنەدى.

تۇتاستاي بۇل قازاقستان بويىنشا پارانىڭ ورتاشا دەڭگەيىنەن 2-3 ەسەگە تومەن.

بيزنەسمەندەردى سىبايلاس جەمقورلىق سحەماعا جۇگىنۋىنە يتەرمەلەيتىن نەگىزگى فاكتورلار - مەملەكەتتىك ورگاندار تاراپىنان ءتۇرلى تالاپتار سانىنىڭ كوپتىگى، تورەشىلدىك، ليتسەنزيالار باعاسىنىڭ جوعارىلىعى، وتىنىشتەردى قاراۋ مەرزىمدەرىنىڭ ۇزاقتىعى، ءجيى تەكسەرىستەر مەن كاسىپكەرلەردىڭ زاڭدى بۇزعانى ءۇشىن جاۋاپكەرشىلىكتەن باس تارتۋى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى