الماتىلىقتار مۇقتاج جاندارعا ارتىق كيىمدەرىن تاپسىرىپ جاتىر
الماتىنىڭ حالىق كوپ جينالاتىن ورىندارىندا الەۋمەتتىك جاعدايى تومەن وتباسىلار ءۇشىن كيىمدەر مەن اياق كيىمدەر جيناۋعا ارنالعان ارنايى بەلگىسى بار قوراپتار قويىلدى. ۇيىمداستىرۋشىلاردىڭ ايتۋىنشا، بۇل شارانىڭ نەگىزگى ماقساتى - مۇقتاج ادامدارعا كومەكتەسۋ.
ول ءۇشىن ارنايى بەلگىلەنگەن قوراپتار قويىلدى. وعان قالا تۇرعىندارى قالدىرىپ كەتكەن كيىمدەر سۇرىپتالىپ، جۋىلىپ، ۇتىكتەلگەننەن كەيىن عانا الەۋمەتتىك قامتۋ ورتالىقتارىنا جىبەرىلەدى. ول جەردەن اسىراۋشىسىنان ايىرىلعان بالالار مەن جاس وسپىرىمدەرگە جانە از قامتىلعان، الەۋمەتتىك جاعدايى تومەن وتباسىلارعا ۇلەستىرۋ ءۇشىن ارنايى ۇيىمدارعا جىبەرىلەدى.
«قايىرىمدىلىق دۇكەنى دەگەن بار، وندا تانىمال تۇلعالاردىڭ تۇرمىستىق بۇيىمدارى مەن كيىمدەرى ساتىلىپ، ودان تۇسكەن قارجى مۇقتاج جاندارعا بەرىلەدى»، - دەيدى ۇيىمداستىرۋشىلار.
ال، اتالعان قايىرىمدىلىق اكسياسىنىڭ باستى ەرەكشەلىگى ارنايى قوراپتارعا ادامداردىڭ جەكە زاتتارى، ىدىس-اياق، تۇرمىستىق تەحنيكا، ءدارى-دارمەك، ازىق-تۇلىكتەرى الىنبايدى. ۇيىمداستىرۋشىلاردىڭ ايتۋىنشا، اكسيا اياسىندا قازىرگى ۋاقىتتا 70 وتباسىنا كومەك كورسەتىلگەن.
