اقتوبەدە تاسقىن سۋدىڭ دەڭگەيى تومەندەدى

سوڭعى تاۋلىكتە 47 ساياجايلىق ۇيلەر مەن اۋلالاردى سۋ باستى. 397 ادام (سونىڭ ىشىندە 29 بالا) ەۆاكۋاتسيالانىپ، 1 ادام قۇتقارىلدى.

بۇل تۋرالى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ حابارلادى.

كەشە ساعات 09:20 دا اقتوبە قالاسى كەڭەس نوكين اتىنداعى كەنتتە قارعالى وزەنىندەگى سۋ دەڭگەيىنىڭ كوتەرىلۋى سالدارىنان «نادەجدا» باعباندىق ۇجىمىندا ساياجايلىق ۇيلەردى سۋ باسۋ قاۋپى ءتوندى.

قۇتقارۋشىلاردىڭ كۇشىمەن 11 ادام، سونىڭ ىشىندە 5 بالا ەۆاكۋاتسيالانىپ، بەكەتتەرگە جايعاستىرىلدى. 13:35 تە سادوۆىي كەنتىندەگى «سولنىشكو»، «نەفتياننيك» باعباندىق ۇجىمىندا 47 ساياجايلىق ۇيلەر مەن اۋلالاردى سۋ شايىپ كەتتى.

364 ادام، سونىڭ ىشىندە 18 بالا ەۆاكۋاتسيالانىپ، 500 ىدىسقاپ توسەلدى. 50 ادام بەكەتتەرگە ورنالاستىرىلسا، قالعانى تۋىستارىنا جەتكىزىلدى. 16:00 دە اقتوبە قالاسى ۋكراينكا كەنتىندە قارعالا وزەنىنىڭ ارناسىنان اسۋى سالدارىنان «تاۋ» دەمالىس بازاسىن سۋ الدى. جەدەل-قۇتقارۋ جاساعىنىڭ كومەگىمەن 1 ادام قۇتقارىلدى. اكجار-1 كەنتىندە، «نەفتياننيك - 4»، «بۋروۆيك»، «سولنىشكو» باعباندىق ۇجىمدارىندا اپاتتىق-قۇتقارۋ جۇمىستارى جۇرگىزىلدى. ساياجايلاردا سۋ تاسقىنى ورىن العالى بەرى 1907 ادام، وتكەن تاۋلىكتە 397 ادام ەۆاكۋاتسيالاندى.

اقتوبەنىڭ ءبىرقاتار اۋداندارىن شايعان ۇلكەن كولەمدەگى سۋدىڭ دەڭگەيى قازىرگى تاڭدا تومەندەي باستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى