ەسىمى الەمگە ايگىلى سكريپكاشى عاليا بيسەنعاليەۆا استانادا كونسەرت بەرەدى
بۇگىندە لوندوندا تۇرىپ جاتقان بيسەنعاليەۆا بيىلعى جىلى ءۇندىستان، ۇلى بريتانيا ەلدەرىنىڭ ەڭ بەدەلدى زالدارىندا ونەر كورسەتىپ ۇلگەردى. استاناداعى كەش قازاقستاننىڭ ەڭبەك سىڭىرگەن قايراتكەرى ماەسترو ابزال مۇحيتدينوۆتىڭ جەتەكشىلىك ەتۋىندەگى «استانا وپەرا» كامەرالىق وركەسترىنىڭ قاتىسۋىمەن وتەدى. عاليا بەيسەنعاليەۆا كەش باعدارلاماسىن بيىل تۋعانىنا 60 جىل بولاتىن اكەسى (ونىڭ 1989 -جىلى قايتىس بولعانىن ەسكە سالامىز) - كورنەكتى سكريپكاشى، قازاقستاننىڭ سيمفونيالىق وركەسترىنىڭ كونسەرتمەيستەرى، پروفەسسور ساعادات بەيسەنعاليەۆكە ارناپ وتىر.
كونسەرت باعدارلاماسىنا ەنگەن ۆ. ا. موتسارتتىڭ شوقتىعى بيىك تۋىندىلارىنىڭ ءبىرى - سكريپكالىق كونسەرت ونىڭ سۇيىكتى شىعارماسى بولعان. «ماعان ءوز وتانىمدا ونەر كورسەتكەن قىمبات، بۇل مەنىڭ تۋعان توپىراعىم. اسىرەسە مەن ونى ءومىرى قايناپ جاتقان جانە عالامشاردىڭ تىنىس-تىرشىلىگى سەزىلەتىن جاس ءارى قارقىندى دامىپ كەلە جاتقان استانادا جاقسى سەزىنەمىن. بۇل مەنىڭ تاماشا ۇجىممەن ءتورتىنشى رەت ونەر كورسەتۋىم، ءاربىر كەزدەسۋ ەرەكشە ەستەلىكتەر قالدىرادى. ماەسترو ابزال مۇحيتدينوۆپەن بىرگە جۇمىس جاساعاندى وتە جاقسى كورەمىن، ول شابىت بەرەتىن، نازىك جانە تەرەڭ ويلى مۋزىكانت. ونىڭ كاسىبي دارىنى مەن شەبەرلىگى ارتىستەرگە سەنىمدىلىك پەن ەركىندىك بەرەدى. سونىمەن قاتار مەنى «استانا وپەرا» تەاترىنىڭ كورەرمەنگە تولى زالدارى قۋانتادى، كوپشىلىك قاۋىم اراسىندا مەنىڭ قۇرداستارىم كوبىرەك بايقالادى»، - دەپ اتاپ ءوتتى عاليا بەيسەنعاليەۆا.
«استانا وپەرا» تەاترىنداعى كونسەرتتەن كەيىن سكريپكاشىنى نيۋ-يوركتىڭ پەن لوس- اندجەلەستىڭ كورەرمەندەرى كۇتەدى. ودان كەيىن ءابۋ-دابيدە زاماناۋي لوندوندىق وركەستردىڭ سۇيەمەلدەۋىمەن ونىڭ جەكە شىعارمالارىنىڭ تۇساۋى كەسىلەتىنى كۇتىلۋدە.
