اتىراۋدا ەرىكتىلەر سۋدان زارداپ شەككەن اقتوبەلىكتەرگە ازىق- تۇلىك دايىنداۋدا

«الەۋمەتتىك جەلىلەر ارقىلى جانە ءوزىمىزدىڭ بايلانىستارىمىزدى پايدالانىپ، ءبىز قالىڭ كوپشىلىكتى كورشى اقتوبە وبلىسىندا سۋ تاسۋدىڭ سالدارىنان زارداپ شەككەن ازاماتتارعا قول ۇشىن سوزۋعا شاقىردىق.

ولار جىلى كيىم، كونسەرۆىلەر، قانت، بالالارعا ارنالعان تاعامدار، تازالىق زاتتارى، ءبىر رەت پايدالانىلاتىن ىدىستار، جامىلعى سياقتى وزگە دە كوپتەگەن زاتتاردى اكەلە الاتىن ەدى. ياعني ءبىز جيناعاننىڭ بارلىعى دا ادام ومىرىنە ءبىرىنشى كەزەكتە قاجەتتى دەگەن دۇنيەلەر»، - دەدى ەرىكتىلەردىڭ ءبىرى اقمارال اتتى قىز.

اتىراۋلىقتار كورشىلەرى ءۇشىن گۋمانيتارلىق كومەكتى ءساۋىردىڭ 28 نە دەيىن جيناۋدى كوزدەپ وتىر. بۇدان سوڭ جينالعان دۇنيەلەردى اقتوبەگە جىبەرەدى. اقتوبەدەگى سۋ تاسقىنىنان زارداپ شەككەندەرگە كومەكتەسەمىن دەگەن ازاماتتار 87012339940 تەلەفونىنا حابارلاسا الادى. توتەنشە جاعدايلار كوميتەتىنەن حابارلانعانىنداي، اقتوبە وبلىسىندا سۋ تاسقىنىمەن بايلانىستى جاعداي وڭالىپ كەلەدى.

الايدا، ونىڭ سالدارىمەن كۇرەس جالعاسۋدا. سوڭعى تاۋلىكتەردە 47 ساياجاي ۇيلەرى مەن اۋلالار سۋعا باتىپ، 397 ادام ەۆاكۋاتسيالانعان، 1 ادام قۇتقارىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى