رەسەي سىرتقى ىستەر ءمينيسترى ا ق ش- تى پحەنيانعا قارسى «قاتەرلى» اسكەري شارا قولدانباۋعا شاقىردى

 لاۆروۆ بۇل جايىندا اق ش ۆيتسە- پرەزيدەنتى مايك پەنستىڭ پحەنياننىڭ يادرولىق قارۋ جاساۋ ارەكەتىنە قاتىستى «ستراتەگيالىق توزىمدىلىك تانىتۋ ءداۋىرى» اياقتالدى دەگەن مالىمدەمەسىنە وراي ايتتى.

پەنستىڭ وڭتۇستىك كورەيا مەن جاپونياعا ساپارىندا ايتقان بۇل ەسكەرتۋى ا ق ش پەن سولتۇستىك كورەيا اراسىنداعى ءبىر- ءبىرىن سوزبەن ايىپتاۋدىڭ سوڭعى كورىنىسى بولدى. لاۆروۆ پحەنياننىڭ «پاراساتسىز يادرولىق ارەكەتتەرىن» ايىپتاعانىمەن، ا ق ش ۆيتسە- پرەزيدەنتىنىڭ ءسوزى ءبىر جاقتى تۇردە اسكەري قيمىل جاساۋ تۋرالى دوق كورسەتۋ دەپ باعالانۋى مۇمكىن ەكەنىن ايتتى.

«ءبىز پحەنياننىڭ ب ۇ ۇ قاۋىپسىزدىك كەڭەسىنىڭ كوپتەگەن قارارىن بۇزا وتىرىپ يادرولىق قارۋ جاساۋ جانە زىمىران ۇشىرۋ ارەكەتتەرىن قۇپتاي المايمىز، ءبىراق بۇل ب ۇ ۇ جارعىسىن، حالىقارالىق قۇقىقتى بۇزىپ كۇش قولدانۋعا بولادى دەگەندى مۇلدەم بىلدىرمەيدى. تاياۋدا سيرياعا جاسالعانداي مۇنداي ءبىر جاقتى ارەكەت ەندى قايتالانبايدى دەپ ۇمىتتەنەمىن»  دەدى لاۆروۆ.

http://www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى