سولتۇستىك قازاقستاندا پوليتسەيلەر سۋ شايىپ كەتكەن ۇيلەردى توناۋشىلاردان كۇزەتۋدە
رۋزايەۆكا اۋىلىندا 186 ءۇيدى تاسقىن سۋ باسقاندا، جەكە قۇرام جۇمىلدىرىلدى. ع. مۇسىرەپوۆ اۋداندىق ءى ءى ب باستىعى ايدوس ىدىرىسوۆتىڭ ايتۋىنشا، پوليتسەيلەر بەلدەن كەلەتىن سۋدى كەشىپ، ۇيلەردەگى تۇرعىندار مەن ءۇي جانۋارلارىن قۇتقاردى. پوليتسەيلەر سۋ استىندا قالعان ۇيلەردە توناۋشىلىق فاكتىسىنىڭ الدىن الۋ ماقساتىندا تاۋلىك بويى كۇزەت ۇيىمداستىردى.
وبلىستاعى اۆتوموبيل جولدارىنداعى جول قوزعالىسىنىڭ قاۋىپسىزدىگىن قامتاماسىز ەتۋ ءۇشىن 65 پوليتسيا قىزمەتكەرىنەن قۇرالعان 48 موبيلدى بەكەت ىسكە قوسىلدى. قوزعالىس شەكتەلگەن 3 تاسجولدا 4 موبيلدى بەكەت قۇرىلدى.
ۇزىندىعى 1468 شاقىرىمدىق رەسپۋبليكالىق ماڭىزى بار تاسجولدى تاۋلىك بويى ءى ءى د جول- پاترۋلدىك پوليتسيا باتالونىنىڭ 15 ەكيپاجى كۇزەتۋدە. س ق و ءى ءى د باستىعى پوليتسيا گەنەرال- مايورى بەرىك ءبىليالوۆ اۋماقتىق بولىمشەلەردىڭ باستىقتارىنا سۋ تاسقىنى جاعدايىن ءجىتى قاداعالاپ، تاسقىن بولعان ايماقتاردا قوعامدىق ءتارتىپتى كۇزەتىپ قانا قويماي، سونىمەن قاتار وقىس وقيعالارعا جول بەرمەستەن ەلدى مەكەندەرىنە ورالىپ جاتقان تۇرعىندارعا كومەك كورسەتۋدى تاپسىردى.
