دەپۋتاتتار سۋ تاسقىنى پروبلەماسىنا ارنايى باعدارلامانى ازىرلەۋدى ۇسىندى

«قىس بويى ۇكىمەت تاراپىنان جينالىستار مەن سەلەكتورلىق كەڭەستەر وتكىزگەنىن بايقادىق، وندا ءوڭىر باسشىلارى سۋ تاسقىنىنا قارسى شارالارعا تولىقتاي دايىن ەكەندىگىن، سونداي-اق شىعارىلعان قاردىڭ كولەمى بويىنشا، سۋ قويمالارىن نىعايتۋ جۇمىستارى تۇرعىسىندا بايانداپ جاتتى. الايدا كوكتەم كەلىسىمەن، بارلىعى قالقىپ شىعا باستادى»، - دەپ توقتالدى دەپۋتات.

وسى ورايدا ول جىل سايىن پارلامەنتتە رەسپۋبليكالىق بيۋدجەتتى تالقىلاۋ بارىسىندا قاجەتتى قارجى ءبولىنىپ جاتقاندىعىن اتاپ ءوتتى.

«جىل سايىن وسى احۋال قايتالانىپ كەلەدى. ۇيلەردى، جولداردى سۋ باسۋىنا بايلانىستى ادامدارت قيىن جاعدايعا تاپ بولۋدا. سونىمەن بىرگە، جاۋاپتى مەملەكەتتىك ورگانداردا وزەندەردە سۋ دەڭگەيىنىڭ كوتەرىلۋىن، قاردىڭ ەرۋى كولەمىن جانە ءىرى سۋ اعىستارىنىڭ باعىتتارىن ەشكىم دە بولجاي الماعاندىعى جۇيەلى تۇردە بايقالۋدا»، - دەيدى كوساريەۆ.

ونىڭ سوزىنە قاراعاندا، كوممۋنيستەر بۇل ماسەلەگە كەشەندى تۇردە قادامدار جاساۋدى ۇسىنىپ وتىر. بارلىق تاۋەكەلدەرگە تالداۋ جاساپ، جىل سايىن قايتالاناتىن پروبلەمالارعا جول بەرمەيتىندەي ناقتى ءارى دۇرىس شەشىم قابىلداۋ قاجەت.

وسى ورايدا كوكتەمگى سۋ تاسقىنا قاتىستى تابيعي اپاتتاردىڭ الدىن الۋعا، ەلدى مەكەندەر مەن جولداردى ينجەنەرلىك قورعاۋ شارالارىنا، ىرگەسى بەرىك بوگەتتەر مەن سۋ قويمالاردى سالۋعا بايلانىستى بولەك مەملەكەتتىك باعدارلامانى قابىلداۋ ۇسىنىسى جاسالدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى