ۇسقىنسىز قىتايلىقتىڭ جاڭا بەت-الپەتىن دارىگەرلەر ونىڭ كەۋدەسىنە ءوسىرىپ جاتىر - فوتو
بۇل تۋرالى Daily Mail حابارلايدى.
حيرۋرگتار ايەلدىڭ جاسۋشالارىن پايدالانا وتىرىپ، مۇرىن مەن اۋىز جاساعان. جەرگىلىكتى ب ا ق مالىمەتىنشە وپەراتسيا ءبىر جىلدان كەيىن جاسالماق. ونىڭ جاسالۋ قۇنى شامامەن 500 مىڭ يۋان (72,6 مىڭ دوللار). ريەۆوليۋتسيالىق وپەراتسيا ايەل ءومىرىن وزگەرتەدى دەپ كۇتىلىپ وتىر ەكەن.
27 جاستاعى ايەل قىتايلىق تەمپەراتۋراسىنىڭ قاتتى اسقىنىپ كوتەرىلۋى سالدارىنان مۇرىن، ەرىن جانە بەتىنەن ەكى جاسىندا ايىرىلىپتى. وسى كۇنگە دەيىن ول ازەر سويلەپ، تاماقتانىپ كەلگەن. سونىمەن قاتار ونىڭ وڭ قولىنىڭ ساۋساقتارى دا جوق.
بىلتىرعى جىلى ول ينتەرنەت ارقىلى ءوزىنىڭ ۇسقىنسىز كەيپىمەن قالاي ءومىر ءسۇرىپ كەلە جاتقانى تۋرالى بولىسكەن بولاتىن. ونىڭ جازباسى قوعام نازارىن اۋدارعان.
وسىدان سوڭ كوپتەگەن ماماندار بەتتى دۇرىستاۋعا قاتىستى ءوز ۇسىنىستارىن ءبىلدىرىپتى. شاڭحايداعى №9 -قوعامدىق اۋرۋحاناسىنداعى لي شين فەن باستاعان دارىگەرلەر توبى قىزدىڭ بەتىن قالپىنا كەلتىرۋ ءۇشىن وزدەرىنىڭ يننوۆاتسيالىق جوسپارلارىن ۇسىنعان.
ونىڭ كومانداسىندا بەت-جاق حيرۋرگتارى جانە باسقا دا بىلىكتى ماماندار جينالعان. جوسپار بويىنشا، ەمدەلۋشىنىڭ دەنەسىنەن جاسۋشا الۋ ارقىلى ونى ايەلدىڭ كەۋدەسىنە ورنالاستىرىپ وسىرەدى.
«ونىڭ بەتىنىڭ بولىگى تولىقتاي جەتىلمەي قالعان. مۇرىن مەن اۋىزدىڭ ىشكى قۇرىلىمدارىن وڭدەۋ قيىنعا سوعادى» دەيدى دارىگەر. مامانداردىڭ سوزىنشە، دارىگەرلەر توبى 3D تەحنولوگيا كومەگىمەن ەمدەلۋشىنىڭ بەتىن دايىنداپ شىققان.
جاڭا بەت تولىقتاي دايىن بولعان كەزدە، ونى ءوز ورنىنا قويادى. ەمدەلۋشى ءبىر جى ىشىندە حيرۋرگيالىق وپەراتسيانىڭ ءتورت كەزەڭىن وتكەرۋى ءتيىس. 10 -ءساۋىر كۇنى وعان العاشقى وپەراتسيا جاسالدى. ول 12 ساعات ۋاقىتقا سوزىلعان.
دارىگەر لي شين فەننىڭ وسى باعىتتاعى جاڭا ءادىسى 2016 -جىلى قىتايدىڭ عىلىمي- تەحنيكالىق پروگرەسس سالاسىندا ەكىنشى ورىن العان بولاتىن. ولار قازىرگە دەيىن وسى ءادىستى 42 ەمدەلۋشىگە قولدانىپتى.
