جامبىل وبلىسىندا ارىپتەستەرىنىڭ كوزىنشە پاراقور پوليتسەيگە ۇكىم شىعارىلدى
ءىس قۇجاتتارىنان انىقتالعانداي، الماتى قالاسىنىڭ اۋدانارالىق مامانداندىرىلعان اكىمشىلىك سوتىنىڭ 2016-جىلعى 13- قاڭتارداعى قاۋلىسىمەن قىرعىز رەسپۋبليكاسىنىڭ ازاماتشاسى ك. قازاقستان رەسپۋبليكاسىنىڭ «اكىمشىلىك قۇقىق بۇزۋشىلىقتار تۋرالى كودەكسىنىڭ» 517-بابىنىڭ 2-تارماعىندا كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن قازاقستان رەسپۋبليكاسىنىڭ شەگىنەن شىعارىلۋ تۇرىندەگى جازاعا تارتىلعان.
وسىعان بايلانىستى ك. سوت قاۋلىسى زاڭدى كۇشىنە ەنگەن كۇننەن باستاپ بەس كۇن ىشىندە قازاقستان رەسپۋبليكاسىنىڭ شەگىنەن شىعىپ كەتۋى ءتيىس بولاتىن، الايدا قۇقىق بۇزۋشى سوتتىڭ شەشىمىن ورىنداماي، قازاقستان رەسپۋبليكاسىنىڭ اۋماعىندا قالا بەرگەن.
2017-جىلعى 28- اقپاندا ونى ق ر ۇ ق ك ش ق 2038 اسكەري ءبولىمىنىڭ اسكەري قىزمەتشىلەرى جامبىل وبلىسى قورداي اۋدانىنىڭ «قاراسۋ» وتكىزۋ پۋنكتىندە قازاقستان رەسپۋبليكاسىنان قىرعىز رەسپۋبليكاسىنىڭ اۋماعىنا قاراي مەملەكەتتىك شەكارانى كەسىپ وتپەكشى بولعاندا، قۇجات تەكسەرۋ كەزىندە ۇستالعان.
ك- عا قاتىستى قىلمىستىق ءىس 2017-جىلى ا. ن- ءنىڭ وندىرىسىنە قابىلداندى. 2017-جىلدىڭ ناۋرىز ايىنىڭ 7 كۇنى ا. ن. مەملەكەتتىك فۋنكسيالاردى اتقارۋعا ۋاكىلەتتى تۇلعا بولا تۇرا، قىلمىستىق ءىستىڭ ءوندىرىسىن قىسقارتۋ ءۇشىن ودان 1000 دوللار پارا العانى انىقتالعان.
جامبىل وبلىسىنىڭ قورداي اۋداندىق سوتى ا. ن. ءدى قىلمىستىق كودەكستىڭ 366-بابىنىڭ 2-بولىگىندە (پارا الۋ) كوزدەلگەن قىلمىستى جاساعانى ءۇشىن كىنالى دەپ تانىپ، سوتتالۋشىنى مەملەكەتتىك قىزمەتتە، قۇقىق قورعاۋ ورگاندارىندا جۇمىس اتقارۋ قۇقىعىنان ءومىر بويىنا ايىرۋمەن جانە قىلمىستىق جولمەن تابىلعان نە قىلمىستىق جولمەن تابىلعان قاراجاتقا ساتىپ الىنعان مۇلكىن تاركىلەۋمەن قاتار، وعان 3 (ءۇش) جىل 6 (التى) ايعا باس بوستاندىعىنان ايىرۋ جازاسىن تاعايىنداپ، جازانى تۇزەۋ كولونياسىنىڭ جالپى رەجيمىندە وتەۋ بەلگىلەندى.
سوتتالعان ا. ن- گە قولدانعان كەپىل باس شاراسى وزگەرتىلىپ، سوت زالىنان قاماۋعا الىندى. سوتتالۋشى ا. ن. «پوليتسيا كاپيتانى» ارنايى شەنىنەن ايىرىلدى. ۇكىم زاڭدى كۇشىنە ەنگەن جوق. ۇكىم جاريالانعان كەيىن ب ا ق- تىڭ وكىلدەرىنىڭ قاتىسۋىمەن بريفينگ وتكىزىلدى.
