تۇركىستاندا تۇركى الەمى تەاترلارىنىڭ حالىقارالىق فەستيۆالى باستالدى
تۇركى الەمى ونەر ۇجىمدارىنىڭ باسىن قوسقان شاراعا وڭتۇستىك قازاقستان وبلىسىنىڭ 6 تەاترى مەن استانا قالاسىنىڭ جاستار تەاترى، پاۆلودار وبلىسى جانە قىرعىزستان، وزبەكستان ەلدەرىنىڭ ساحنا ساڭلاقتارى قاتىسۋدا، دەپ حابارلايدى قازاقپارات ح ا ا ءتىلشىسى.
تۇركى ەلدەرى ءۇشىن ماڭىزدى سانالاتىن شارانى ج. ايماۋىتوۆ اتىنداعى پاۆلودار وبلىستىق قازاق مۋزىكا دراما تەاترى جۇمات ءشانيننىڭ «ارقالىق باتىر» تاريحي دراماسىمەن اشتى. ال، رايىمبەك سەيتمەتوۆ اتىنداعى تۇركىستان سازدى- دراما تەاترى گ. حۋگايەۆتىڭ«قارا شەكپەن» ءاپساناسىن ساحنالادى. تۇركسوي حالىقارالىق ۇيىمى مەن وڭتۇستىك قازاقستان وبلىسى اكىمدىگى جانە وبلىستىق مادەنيەت باسقارماسى ۇيىمداستىرعان شارا تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىقتى نىعايتىپ، تۇركىلىك مادەنيەت پەن ونەردى ۇرپاقتان ۇرپاققا جەتكىزۋ ماقساتىندا وتكىزىلىپ وتىر.
سونداي- اق كاسىبي تەاترلاردىڭ ونەرىن ناسيحاتتاپ، تۇركى الەمى تەاترلارىنىڭ باسشىلارى كەڭەسىنىڭ ءماجىلىسىن وتكىزۋگە، ءبىر- بىرىمەن ءىس- تاجىريبە الماسۋ جانە تىعىز قارىم- قاتىناستا بولۋىنا ىقپال ەتەتىن بولادى. ايتا كەتەيىك، تەاترلار بايقاۋى 21 - ساۋىرگە دەيىن وبلىستىق تەاتر ساحنالارىندا قويىلىپ، جەڭىمپازدار انىقتالاتىن بولادى. حالىقارالىق شارانىڭ جابىلۋ سالتاناتى ج. شانين اتىنداعى اكادەميالىق قازاق دراما تەاترىندا وتەدى دەپ كۇتىلۋدە.
اۆتور: اينۇر اقبايەۆا
