قازاقستاندىق شەنەۋنىك قىزىنىڭ تويىندا ىشىمدىك ءىشۋ ءۇشىن رۇقسات سۇرادى
دەپ حابارلايدى NUR. KZ.
ءوزىن مەملەكەتتىك قىزمەتكەر بولىپ قىزمەت اتقاراتىنىن ايتقان جەلى قولدانۋشىسى قىمبات بەلگىبايەۆا مەملەكەتتىك قىزمەت جانە جەمقورلىققا قارسى كۇرەس ىستەرى جونىندەگى اگەنتتىك ءتوراعاسىنىڭ ورىنباسارى اليك شپەكبايەۆتان ىشىمدىكتى قانشا مولشەردە ىشۋگە بولاتىنىن سۇرادى. سونىمەن بىرگە، ول الدا بولاتىن قىزىنىڭ تويىندا ىشىمدىك ىشۋگە رۇقسات سۇرادى.
«مەملەكەتتىك قىزمەتكەرلەردىڭ ارەكەتى مەن ءتارتىبى قوعام تاراپىنان سىنعا ۇشىراماۋى كەرەك. وسىعان بايلانىستى مەملەكەتتىك قىزمەتكەرلەر سالتاناتتى شارالار كەزىندە دە جوعارىدا ايتىلعان ءوزىن- ءوزى ۇستاۋ تارتىپتەرىن ساقتاۋ كەرەك»، - دەپ جاۋاپ بەردى شپەكبايەۆ.
بۇل تۋرالى ول «جەمقورلىقتىڭ الدىن الۋ، قىزمەتتىك ەتيكانى ساقتاۋ جانە مەملەكەتتىك قىزمەت كورسەتۋ ساپاسىن ارتتىرۋ» تاقىرىبىندا وتكەن ينتەرنەت- كونفەرەنسياسى بارىسىندا ايتتى.
جالپى العاندا، ءتوراعا ورىنباسارى ەتيكالىق كودەكسكە سايكەس، مەملەكەتتىك قىزمەتكەرلەر بوس ۋاقىتىندا جالپىعا ورتاق ادامگەرشىلىك- ەتيكالىق نورمالاردى ساقتاۋ قاجەت ەكەنىن ەسكە سالدى. سونىمەن بىرگە، ول ادەپسىز قىلىقتارعا، ونىڭ ىشىندە ءىشىپ العان كۇيدە قوعامدىق ورىنداردا جۇرمەي، وزگەلەردىڭ نامىسىنا تيەتىن ارەكەتتەرگە جول بەرمەۋ قاجەتتىگىن دە ايتتى.
