بەردىمۇحامەدوۆ قازاق جاستارىن تۇركىمەنستاندا ءبىلىم الۋعا شاقىردى
دەپ حابارلايدى قازاقپارات ءتىلشىسى.
«سىزدەردىڭ ءبىلىم بەرۋ ماسەلەسىنە باسا نازار اۋدارىپ جاتقاندارىڭىزدى بىلەمىز. تۇركىمەننىڭ ءبىراز جاستارى قازاقستاننىڭ جوعارى وقۋ ورىندارىندا ءبىلىم الىپ ءجۇر. سول ءۇشىن ءدان ريزامىز. ءبىز دە قازاقستان جاستارىن تۇركىمەنستاننىڭ ۋنيۆەرسيتەتەرىندە ءبىلىم الۋعا شاقىرامىز»، - دەدى بەردىمۇحامەدوۆ. سونداي- اق، ول تۇركىمەنستاننىڭ ازيا ويىندارىن وتكىزۋگە مۇدەللى ەكەنىن جەتكىزدى. وسى ورايدا تۇركىمەندەر قازاق حالقىنىڭ تاجىريبەسىنە قىزىعۋشىلىق تانىتىپ وتىر.
ايتا كەتەيىك، تۇركىمەنستان پرەزيدەنتى گۋربانگۋلى بەردىمۇحامەدوۆتىڭ قازاقستانعا جاساعان مەملەكەتتىك ساپارى بارىسىندا ءبىرقاتار ماڭىزدى قۇجاتتارعا قول قويىلدى. ق ر پرەزيدەنتى نۇرسۇلتان نازاربايەۆ قازاق- تۇركىمەن شەكاراسىندا كەن ورىندارىن بىرلەسىپ يگەرۋ ماسەلەسىنىڭ دە قارالعانىن مالىمدەدى.
اۆتور: ارمان اسقاروۆ
