ارىستانبەك مۇحامەدي ۇلى ۇكىمەت وتىرىسىندا مينيسترلەردى دۋ كۇلدىردى

 ونىڭ اتاپ وتۋىنشە، ەلىمىزدىڭ كليماتتىق ەرەكشەلىگىنە بايلانىستى ءبىرقاتار نىسانالى ينديكاتورعا قول جەتكىزۋ ءبىرشاما قيىن.

«تۋريزم سالاسى ءۇشىن ەڭ جاقسى ماۋسىم جاز بەن كۇز ايلارى ەكەندىگى تۇسىنىكتى. ءبىز جىلدىڭ سوڭىندا بارلىق كورسەتكىشتەردى ورىندايتىن بولامىز. ەكىنشىدەن، باقىتجان ءابدىر ۇلى، تەاتر، مۋزەي، كىتاپحانا جانە بوتانيكالىق باققا بارۋ سىندى كورسەتكىشتەردى ورىنداي المايمىز. ينديكاتورعا، ءادىسناماعا ەش قارسىلىعىمىز جوق. ءبىراق، قاڭتار مەن اقپاندا، ناۋرىزدا اتتراكسيوندارعا بارۋ وتە قيىن، سۋىق. زوللوگيالىق پارك، بوتانيكالىق باقتا»، - دەدى مينيستر.

«جازدا ىستىق، قىستا سۋىق قوي»، - دەپ كۇلدى پرەمەر- مينيستر باقىتجان ساعىنتايەۆ. وسىدان كەيىن ۇكىمەت باسشىسىنا ىلەسە وتىرىسقا قاتىسىپ وتىرعان بارلىق مينيسترلەر دە دۋ كۇلدى.

«كۇلەمىز، ءبىراق جۇمىس تا ىستەۋ كەرەك. قۇرمەتتى مينيسترلەر 24 نىسانالى ينديكاتوردىڭ 9 بويىنشا ارتتا قالىپ وتىرمىز. مۇنداي تاجىريبەنى العاش رەت ەنگىزدىك جانە سىزدەردىڭ بارلىق دالەلدەرىڭىزدى قابىلدامايمىن. جۇمىس ىستەڭىزدەر، ناتيجە بەرىڭىزدەر. مەملەكەت باسشىسى كۇتىپ وتىر. ورتا مەرزىمدى كەزەڭدە 5 پايىز ءوسىم كورسەتۋ تاپسىرماسىن جۇكتەدى. ەگەر بارلىق ۋاقىتتا ءادىسناماعا، ستاتيستيكالىق ەسەپتىلىككە، تابيعاتقا سىلتەي بەرەتىن بولساق، جۇكتەلگەن مىندەتتى ەش ۋاقىتتا ورىنداي المايمىز»، - دەدى باقىتجان ساعىنتايەۆ.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى