باقىتجان ساعىنتايەۆ ق ح ر مەملەكەتتىك كەڭەسى پرەمەرىنىڭ ءبىرىنشى ورىنباسارىمەن كەزدەستى
دەپ حابارلايدى primeminister.kz.
كەزدەسۋ بارىسىندا ەكى ەلدىڭ ساۋدا- ەكونوميكالىق، عىلىمي- تەحنيكالىق، قارجى، ەنەرگەتيكا، مادەني- گۋمانيتارلىق سالالارداعى ءوزارا ءىس- قيمىل ماسەلەلەرى، بىرلەسكەن ءىرى جوبالاردى جوسپارلاۋ مەن ۇزاقمەرزىمدى باعدارلامالاردى ازىرلەۋدى قوسا العاندا، ترانزيتتىك- كولىك جانە ينفراقۇرىلىمدىق ءوزارا ءىس- ارەكەت سالالارىنداعى ماسەلەلەرى تالقىلاندى.
قازىرگى تاڭدا قازاقستان مەن قىتاي اراسىندا قازاقستاندىق «نۇرلى جول» ۇلتتىق ەكونوميكالىق باعدارلاماسى مەن قىتايدىڭ «جىبەك جولىنىڭ ەكونوميكالىق بەلدەۋى» باستاماسىن تۇيىندەستىرۋ بويىنشا ىنتىماقتاستىق جوسپارىن ىسكە اسىرۋ جۇمىستارى بەلسەندى تۇردە جۇرگىزىلۋدە. جوسپارعا ق ر پرەزيدەنتى ن. نازاربايەۆتىڭ ق ح ر ءتوراعاسى شي جينپيڭمەن كەلىسسوز جۇرگىزۋىنىڭ قورىتىندىسى بويىنشا 2016 -جىلعى 2 - قىركۇيەكتە حاڭجوۋدا قول قويىلعان بولاتىن.
كەزدەسۋ بارىسىندا اۋىل شارۋاشىلىعى سالاسىنداعى، قازاقستاندىق شارۋالاردىڭ ونىمدەرىن قىتاي نارىقتارىنا ەكسپورتتاۋدى ىلگەرىلەتۋدەگى ىنتىماقتاستىق كەلەشەگىنە باسا نازار اۋدارىلدى. سونىمەن قاتار سۋ قاتىناستارى، ترانسشەكارالىق وزەندەردى پايدالانۋ مەن قورعاۋ ماسەلەلەرى قارالدى. ق ر مەن ق ح ر اراسىنداعى 2016 -جىلداعى ساۋدا اينالىمى 7,9 ميلليارد دوللاردى، قازاقستاننان قىتايعا 2016 -جىلداعى ەكسپورت 4,2 ميلليارد دوللاردى، يمپورت - 3,7 ميلليارد دوللاردى قۇرادى. قازاقستاننان قىتايعا شىعارىلاتىن ەكسپورتتىڭ زاتتاي كورىنىسى مۇناي مەن ۋراندى ەسەپكە الماعاندا 20,4 پايىزعا ءوستى.
قىتاي قازاقستاننىڭ باستى ينۆەستيتسيالىق سەرىكتەستەرىنىڭ ءبىرى بولىپ تابىلادى. 2005 -جىلدان باستاپ 2017 -جىلعى 1- اقپانعا دەيىنگى ارالىقتا ق ح ر- دان قازاقستان رەسپۋبليكاسىنىڭ ەكونوميكاسىنا تۇسكەن تىكەلەي ينۆەستيتسيالار اعىنى 13,9 ميلليارد ا ق ش دوللارىن قۇراعان. وسى كەزەڭدەگى قازاقستاننان قىتايعا جىبەرىلگەن ينۆەستيتسيالار كولەمى 519,7 ميلليون ا ق ش دوللارىن قۇراعان. 2017 -جىلعى 1 - اقپانداعى جاعداي بويىنشا قازاقستاندا قىتاي كاپيتالى قولدانىلعان 2783 كاسىپورىن تىركەلگەن. ق ح ر استانادا وتەتىن ەكسپو-2017-گە قاتىساتىنىن راستاعان العاشقى ەلدەردىڭ ءبىرى جانە قىتاي پاۆيلونى كورمەدەگى ەڭ ءىرى پاۆيلونداردىڭ ءبىرى بولادى. بۇدان وزگە، 2017 -جىل «قازاقستانداعى قىتاي تۋريزمىنىڭ جىلى» رەتىندە مالىمدەلگەن، سوعان وراي ەلىمىز قىتايدان تۋريستەردىڭ ۇلكەن اعىنىن كۇتەدى.
