تۇركىمەنستانمەن اراداعى شەكارا ماسەلەسىن تولىعىمەن شەشتىك - نازاربايەۆ
اتالعان قۇجاتقا تۇركىمەنستان پرەزيدەنتى گۇربانگۋلى بەردىمۇحامەدوۆتىڭ قازاقستانعا مەملەكەتتىك ساپارى اياسىندا قول قويىلماق، دەپ حابارلايدى قازاقپارات ءتىلشىسى.
«بۇگىن ءبىز ەكى مەملەكەت اراسىنداعى ستراتەگيالىق ارىپتەستىك تۋرالى اسا ماڭىزدى كەلىسىمدى راسىمدەيمىز. وسى قۇجاتتىڭ اياسىندا قازاقستان مەن تۇركىمەنستاننىڭ بايلانىستارى جاڭا دەڭگەيگە كوتەرىلەدى. ءبىز ەكى اراداعى شەكاراعا قاتىستى بارلىق ماسەلەلەردى شەشىپ وتىرمىز. ءسويتىپ، شەكارا ماڭىنداعى ەشبىر پروبلەماسى جوق ەكى مەملەكەت رەتىندە تانىلامىز»، - دەپ اتاپ كورسەتتى مەملەكەت باسشىسى كەڭەيتىلگەن قۇرامدا وتكەن كەزدەسۋ كەزىندە.
ءوز كەزەگىندە تۇركىمەنستان باسشىسى قوناقجاي قازاق حالقىنا العىس ءبىلدىرىپ، ەكىجاقتى ىنتىماقتاستىق دامىتۋعا مۇددەلى ەكەنىن جەتكىزدى. ايتا كەتەيىك، شاعىن قۇرامدا بولعان كەزدەسۋ كەزىندە پرەزيدەنت «قازاقستان - تۇركىمەنستان - يران» تەمىرجولىن بارىنشا پايدالانۋ قاجەتتىگىن جەتكىزدى. سونداي- اق نۇرسۇلتان نازاربايەۆ ارال ماسەلەسى بويىنشا ۇلكەن باس قوسۋ وتكىزۋ قاجەتتىگىن مەڭزەدى.
اۆتور: ارمان اسقاروۆ
