مينيستر قاتەرلى ىسىككە شالدىعىپ توسەك تارتىپ جاتقان كوپبالالى اناعا كومەكتەستى

بۇل تۋرالى «ەكسپرەسس ك» باسىلىمى حابارلايدى.

ۇكىمەتتىڭ ارالاسۋى ارقاسىندا ايەل ەكىنشى توپتاعى مۇگەدەك اتانىپ، قوسىمشا جاردەماقىعا يە بولعان.

ءدىلباردىڭ ءتورت جىل بۇرىن جولداسى قايتىس بولعاننان كەيىن جۇمىس ىزدەپ بالالارىمەن شىمكەنتكە كەلگەن. ول جاقتا ءبىر عانا بولمەمەن، كىرەبەرىستەن تۇراتىن بوس قالعان ءۇيدى جالعا الادى. ەكى جىلدان سوڭ دارىگەرلەر ءدىلباردان قاتەرلى ىسىكتى انىقتاعان. ەكى اي بۇرىن اۋرۋى اسقىنىپ، ايەل توسەك تارتىپ جاتىپ قالادى.

«ماعان تاعى دا ءبىر حيميوتەراپيا كەرەك، ءبىراق، دارىگەرلەر جۇرەك ونى كوتەرە الماۋى مۇمكىن»، - دەيدى ءدىلبار.

كوپبالالى انانىڭ جاعدايى تۋرالى ب ا ق ايتا باستاعان سوڭ، مينيستر تامارا دۇيسەنوۆانىڭ بۇيرىعىمەن ءدىلبار قۇتتىباي كونسۋلتاتسيالىق قارالىم ۇيىمداستىرىلعان. ول مەديتسينالىق- الەۋمەتتىك ساراپتامادان وتۋگە مۇمكىندىك الدى.

«ءدىلبار قۇتتىباي ەكىنشى توپتاعى مۇگەدەكتىككە شىعارىلدى. جانە اكىمدىككە وعان الەۋمەتتىك قوسىمشا قولداۋ كورسەتۋ كەرەكتىگى تۋرالى ءوتىنىش حات جىبەرىلدى»، - دەپ حابارلادى مينيسترلىكتىڭ باسپا ءسوز قىزمەتى.

مۇگەدەكتىگى ءۇشىن بەرىلەتىن جاردەماقىنى كوپبالالى انا كەلەسى ايدان باستاپ الادى. ءدىلبارعا تولەنەتىن جالپى الەۋمەتتىك كومەك سوماسى 98 مىڭ تەڭگەگە جەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى