حالىقتىڭ تەڭگەگە دەگەن سەنىمى كۇشەيىپ كەلەدى - اقىشەۆ
ق ر ۇلتتىق بانكىنىڭ ءتوراعاسى دانيار اقىشەۆ وسىلاي ءمالىم ەتتى دەپ حابارلايدى قازاقپارات ءتىلشىسى.
«حالىقتىڭ تەڭگەگە دەگەن سەنىمى كۇشەيىپ كەلەدى. ماسەلەن، قاڭتار-اقپان ايلارىندا تەڭگەمەن ساقتالاتىن دەپوزيتتەردىڭ جالپى كولەمى 0,3 پايىزعا ءوستى. ال شەتەلدىك ۆاليۋتانىڭ دەپوزيتتەرى 11,5 پايىزعا ازايدى»، - دەدى اقىشەۆ ۇكىمەتتىڭ بۇگىنگى وتىرىسىندا.
ونىڭ سوزىنە قاراعاندا، زاڭدى تۇلعالاردىڭ شەتەل ۆاليۋتاسىمەن ساقتاپ وتىرعان دەپوزيتتەرى 45,8 پايىزعا دەيىن تومەندەسە، جەكە تۇلعالاردىڭ ۆاليۋتالىق دەپوزيتتەرى 58,8 پايىزعا دەيىن ءتۇستى.
«ال ەل ەكونوميكاسىن نەسيەلەندىرۋ ماسەلەسىنە كەلەر بولساق، بيىل قاڭتار-اقپان ايلارىندا وتكەن جىلدىڭ اتالعان كەزەڭىمەن سالىستىرعاندا، بەرىلگەن نەسيەلەردىڭ كولەمى 7,9 پايىزعا ۇلعايدى. وسى ورايدا زاڭدى تۇلعالار ءۇشىن تەڭگەمەن بەرىلگەن نەسيە ستاۆكاسىنىڭ 14,3 پايىزعا تومەندەگەنىن اتاپ وتكەن ءجون. بۇل - 2015-جىلدىڭ تامىزىنان بەرگى ەڭ تومەنگى ستاۆكا»، - دەپ اتاپ كورسەتتى باس بانكير.
ايتا كەتەيىك، ۇكىمەتتىڭ بۇگىنگى وتىرىسىندا ەلىمىزدىڭ الەۋمەتتىك-ەكونوميكالىق دامۋى بويىنشا العاشقى ءۇش ايدىڭ قورىتىندىسى قارالدى. ق ر ۇلتتىق ەكونوميكا ءمينيسترى تيمۋر سۇلەيمەنوۆتىڭ ايتۋىنشا، بۇگىندە حالىقتىڭ نەسيەنى تەڭگەمەن كوپتەپ الا باستاعانى بايقالادى.
