بوسانۋ كەزىندە انا مەن بالانىڭ ومىرىنە قاۋىپ توندىرەتىن ۋاقىت انىقتالدى
بۇدان وزگە، جىلىنا 15 ءسابي دۇنيەگە ءولى بولىپ كەلەدى نەمەسە تۋىلعان سوڭ ءبىر ايدىڭ ىشىندە شەتىنەيدى ەكەن. ياعني بريتانيادا انا مەن بالا ءولىمى ءالى دە الاڭداتارلىق جاعدايدا.
بۇل تۋرالى Mirror باسىلىمى جازدى.
وزگە سۇتكورەكتىلەرمەن سالىستىرعاندا ادامنىڭ زالالسىز بوسانۋى نەلىكتەن قيىندىق تۋعىزاتىنى ءالى كۇنگە دەيىن زەرتتەلۋدە.
بۇل رەتتە انا ءۇشىن ەڭ قاۋىپتى بوساناتىن ۋاقىتتى انىقتاۋ ماڭىزدى. وستيندەگى تەحاس ۋنيۆەرسيتەتىنىڭ عالىمدارى زەرتتەۋ جۇرگىزىپ، بۇل سۇراققا جاۋاپ بەردى.
زەرتتەۋشىلەردىڭ پايىمداۋىنشا، اكۋشەردىڭ بالانى بوساندىرۋعا قاي كەزدە كىرەتىن ۋاقىتى ماڭىزدى ءرول اتقارادى. اسىرەسە، جوسپارلانباعان بوسانۋ كەزىندە اباي بولماسا، انا مەن بالانىڭ ومىرىنە قاۋىپ ءتونۋى مۇمكىن.
ناقتىراق تۇسىندىرسەك، دارىگەردىڭ 12 ساعاتتىق جۇمىس كەستەسىنىڭ 9 -ساعاتىندا انا مەن بالانىڭ كوپ قان جوعالتۋ قاۋپى باسىم. ياعني دارىگەردىڭ جۇمىسقا دەگەن بەلسەندىلىگى مەن ىنتاسى، ونىڭ كۇش- قۋاتىنىڭ قالىپتى جاعدايدا بولۋى انانىڭ ومىرىنە ىقپال ەتەتىن بولىپ شىقتى.
«بۇل تاقىرىپتا ءبىرشاما زەرتتەۋلەر جۇرگىزىلگە. الايدا بۇعان دەيىن دارىگەردىڭ قانشالىقتى شارشاپ تۇراتىندىعى ەسكەرىلمەپتى»، - دەيدى دارىگەر دجەيمس سكوتت.
«توعىزىنشى ساعاتتا انانىڭ قان جوعالتۋى 30 پايىزعا ارتسا، بالانىڭ ارتەريالدى قان قىسىمى 7,1 دەن تومەندەيدى. قالىپتى جاعدايدا ول 7,3 پەن 7,4 تىڭ ورتاسىندا بولۋى ءتيىس. زەرتتەۋمەن اينالىسقان كوماندا اكۋشەردىڭ شارشاڭقى بولۋى ءسابيدىڭ ومىرىنە قانشالىقتى اسەر ەتەتىنىن انىقتادى»، - دەيدى دارىگەر.
زەرتتەۋشىلەر 2008 -جىلدىڭ قاڭتارى مەن 2013 -جىلدىڭ قازانى ارالىعىندا جوسپارسىز 24506 رەت بوسانۋدى نازارعا الدى.
باقىلاۋعا الىنعان اكۋشەرلەردىڭ تۇگەلى دەرلىڭ 12 ساعاتتىق كەستەمەن جۇمىس ىستەدى. بۇل كەزدە ايەلدىڭ كۇندىز نەمەسە تۇندە بوسانۋىنىڭ ەش ايىرماشىلىعى جوق ەكەنى انىقتالدى.
دەگەنمەن جۇمىس ۋاقىتىنىڭ 9 -ساعاتى بارىنەن دە قاۋىپتى بولىپ شىقتى.
