سولتۇستىك كورەيا زىمىران سىناعىن جالعاستىرا بەرمەك
بۇل تۋرالى BBC News-كە بەرگەن سۇحباتىندا ك ح د ر سىرتقى ىستەر ءمينيسترىنىڭ ورىنباسارى حان سونگ رەل حابارلادى.
«ءبىز زىمىران سىناعىن اپتا، اي سايىن جانە جىل سايىن جۇرگىزەمىز»، - دەدى سولتۇستىك كورەيلىك شەنەۋنىك.
ول ەگەر ا ق ش پحەنيانعا قارسى «وسىنشا اقىماقتىققا بارىپ، اسكەري كۇش قولداناتىن بولسا»، ۇلكەن سوعىس باستالۋى مۇمكىن ەكەندىگىن ەسكەرتتى.
بۇدان بۇرىن 17- ساۋىردە ب ۇ ۇ جانىنداعى ك ح د ر تۇراقتى وكىلى كيم ين رەن ا ق ش وڭىردە قاۋىپتى جاعداي قالىپتاستىرىپ وتىرعانىن، بۇل كەز كەلگەن ۋاقىتتا يادرولىق سوعىستىڭ باستالىپ كەتۋىنە الىپ كەلۋى مۇمكىن ەكەنىن اتاپ وتكەن.
