الماتى وبلىسىندا اۋىل مالدارى بەلگىسىز ىندەتكە شالدىققان - فوتو
ەلدىمەكەن حالقى ىندەت 15-20 كۇن بۇرىن باستالعانىن، جانە وعان جەرگىلىكتى بيلىك ەشقانداي شارا قولدانباي جاتقانىن العا تارتۋدا. اۋىلداعى اعايىن قوراسىنداعى سيىرى اۋسىل دەرتىن جۇقتىردى دەپ شۋلاسا، مال دارىگەرلەرى «ۆيرۋستى ستوماتيت» دەگەن بولجام جاساپ وتىر.
دەگەنمەن ءورقۋساقتىقتاردىڭ قازىردىڭ وزىندە 10 شاقتى مالى قىرىلىپ قالعان. اۋىل سىرتىنا ادەتتە 185 باس ءىرى قارا جايىلىمعا شىقسا، وسى كۇنى تەك 80 نەن استامى عانا تابىنعا قوسىلادى. قالعانى قورادا بايلاۋلى تۇر. سەبەبى ولاردىڭ ءبارى ىندەت جۇقتىرعان. مالعا بەرەتىن جەم-ءشوپ تە تاۋسىلعانىن ايتىپ، حالىق شىرىلداپ وتىر.
«4 كۇننىڭ ىشىندە 15 مىڭ تەڭگە كەتتى. ال قالعان قاراجاتتى قايدان تابامىز. ماماندار بۇگىن عانا كەلدى. وزدەرى مىنانى كورىپ، جيىركەنىپ، كەتىپ قالدى. ءتىپتى بولماسا مىنا مالدى ءولتىرىپ، كومسە. اۋىرعان كەزدە سىلەيىپ تۇرىپ قالادى. ودان اۋزىنان بولار - بولماس سىلەكەي اعادى. ءتىلدىڭ قابىقتارى ءتۇسىپ قالدى. تاڭدايى ول ءتۇسىپ جاتىر. شىنىمدى ايتسام، مەن قورقامىن. مىناۋ جۇقپالى اۋرۋ بولادى ما»، دەگەن ۇرەيىن ءورقۋساق اۋىلىنىڭ تۇرعىنى باقىتگۇل قوندىبايەۆا جەتكىزدى.
اۋداندىق ۆەتەريناريا ءبولىمىنىڭ ماماندارى بىلتىر اۋىل مالى بارلىق ىندەتكە قارسى ەگىلگەن دەپ اقتالىپ الەك. ال مالدىڭ ناقتى دياگنوزى ارنايى زەرتحانادا عانا بەلگىلى بولادى، دەيدى ۆەتەريناريا ءبولىمىنىڭ باسشىسى نۇرلان بەكەتايەۆ. 4 جىل بۇرىن ەل- جۇرتىم دەپ كەلگەن ءساتاي جاڭىلسىننىڭ بۇزاۋى مەن قۇناجىنى بىرىنەن سوڭ ءبىرى ءولدى. مالمەن عانا جان باعىپ وتىرعان وتباسى ءۇشىن بۇل ۇلكەن شىعىن. بەلگىسىز ىندەت جۇقتىرعان مالدارعا وتەماقى تولەنەدى مە، ول جاعى بەلگىسىز.
اۆتور: سامال قابىشەۆا
