نۇرتاس ادامباي «تاراز» فيلمىنىڭ كەسكىنىن جاريالادى

«بۇعان دەيىن ۋادە ەتكەنىمىزدەي، ءبىز فيلمدى تەگىن كورۋ مۇمكىندىگىن جاساۋ ءۇشىن YouTube-قا جاريالادىق. كورىڭىزدەر!»، - دەپ حابارلادى Facebook-تەگى پاراقشاسىندا پروديۋسەر، رەجيسسەر جانە اكتەر نۇرتاس ادامباي.

ەسكە سالا كەتەيىك، فيلمنىڭ تۇساۋكەسەرى 2016-جىلدىڭ 13- قازانى كۇنى قازاقستاننىڭ بارلىق كينوتەاترلارىندا جاسالدى. كينو-درامادا نۇرتاس ادامبايدان باسقا ەركەبۇلان دايىروۆ، اسان ءماجيت، گۇلناز جولانوۆا، تولەپبەرگەن بايساقالوۆ، جاندوس ايباسوۆ، كامشات جولدىبايەۆا، نۇرجان سادىبەكوۆ، مارات ابدۋللايەۆ، ءاشىم احمەتوۆتەر وينادى.

2016-جىلى قىركۇيەكتە «تاراز» دراماسى ا ق ش- تىڭ لوس-اندجەلەس قالاسىندا وتكەن Genre Celebration Film Festival كينوفەستيۆالىندە ەكى اتالىم بويىنشا جەڭىسكە جەتتى: «ۇزدىك درامالىق فيلم» جانە «ۇزدىك وپەراتورلىق جۇمىس».

كينوكارتينا، سونداي-اق، San Francisco International New Concept Film Festival (ا ق ش)، Hamilton Film Festival and Canadian Film Market (كانادا)، Gallup Film Festival (ا ق ش)، Princeton Independent Film Festival (ا ق ش)، Festival Internacional de Cine de Autor (مەكسيكا) سىندى حالىقارالىق فەستيۆالدەرگە قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى