ساتۋرن عالامشارىنىڭ سەرىگى ەنتسەلادتا ءومىر سۇرۋگە جاعداي بار
سەبەبى اسپان دەنەسىندەگى مۇز ەتەگىنىڭ بىرىنەن سۋتەگى تابىلعان. بۇل تىرشىلىكتىڭ العىشارتى دەيدى عالىمدار.
زەرتتەۋ جۇمىستارىن ماماندار «كاسسيني» زوندى ارقىلى جاساعان. ال قۇرىلعى ەنتسەلادتاعى تىرشىلىك ءنارىن 2005 -جىلى تاپقان. وسىدان كەيىن ون جىل وتكەن سوڭ عالىمدار 30-40 شاقىرىم مۇز تەرەڭدىكتە ۇلكەن مۇحيتتىڭ جاتقانىن انىقتادى. ماماندار ونداعى جاعداي 4 ميلليارد جىل بۇرىنعى ءبىزدىڭ جەر شارىمىزداعى ومىرگە ۇقساس بولۋى مۇمكىن دەيدى.
ليندا سپيلكەر، ناسا عىلىمي قىزمەتكەرى:
- ءبىز ەنتسەلاد سەرىگىندە سۋتەگىنىڭ بارىن انىقتادىق. سوندىقتان مۇحيتتىڭ تۇبىندە ميكروورگانيزمدەر دە بولۋى مۇمكىن. بۇل كاسسيني زوندىنىڭ 12 جىل بويى اتقارعان جۇمىسىنىڭ ناتيجەسى. وسىنىڭ ارقاسىندا ءبىز ەنتسەلادتا ءومىر سۇرۋگە جاعداي بار دەپ ايتا الامىز.
www.24.kz
