تايلاند كورولى قازاقستان ەلشىسىن قابىلدادى

 بۇل تۋرالى ق ر س ءى م باسپا ءسوز قىزمەتى حابارلادى.

كەزدەسۋ بارىسىندا ساياسي جانە ساۋدا- ەكونوميكالىق، ونىڭ ىشىندە تۋريزم، مادەنيەت جانە سپورت سالالارىنداعى قازاقستاندىق- تاي قارىم- قاتىناستارىنىڭ دامۋ قارقىنى تالقىلاندى.

م. ەسەنبايەۆ كورولگە تايلاندتا قىزمەت اتقارعان كەزەڭى 1998-2000 جانە 2013-2017 -جىلدارىندا كورسەتكەن قولداۋى ءۇشىن العىسىن ءبىلدىردى.

تايلاند كورولى ەلشىگە ەكىجاقتى قارىم- قاتىناستاردىڭ دامۋىنا قوسقان ۇلەسى ءۇشىن العىس ايتىپ، قازاقستان مەن تايلاند اراسىنداعى قارىم- قاتىناستاردىڭ دامۋىندا قازاقستان پرەزيدەنتى نۇرسۇلتان نازاربايەۆتىڭ رولىنە ەرەكشە نازار اۋداردى.

«قازاقستان مەن تايلاند ەكى ەل اراسىنداعى قاتىناستاردى دامىتۋدا جانە حالىقتار اراسىنداعى دوستىقتى نىعايتۋدا ەلەۋلى پروگرەسكە قول جەتكىزدى. مەن قازاقستان رەسپۋبليكاسىنىڭ پرەزيدەنتى ن. نازاربايەۆتى اسا قۇرمەتتەيمىن جانە ونىڭ قازاقستاندىق- تاي ىنتىماقتاستىعىنىڭ سەرپىندى دامىتۋعا قوسقان ۇلەسى ءۇشىن العىسىمدى بىلدىرەمىن»، - دەدى كورول راما ح.

كەزدەسۋ سوڭىندا تايلاند كورولى قازاقستان پرەزيدەنتىنە ىزگى تىلەكتەرىن جولدادى، ال دوستاس قازاقستان حالقىنا يگىلىك پەن گۇلدەنۋ تىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى