ءمينيستر قازاقستاننىڭ كيەلى جەرلەرىنىڭ كارتاسىن جاساقتاۋدى تاپسىردى

 دەپ حابارلايدى قازاقپارات.

بۇل تاپسىرما ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان نەگىزگى يدەيالاردى جۇزەگە اسىرۋعا باعىتتالىپ وتىر.

 «مەملەكەت باسشىسى «قازاقستانىڭ قاسيەتتى رۋحاني قۇندىلىقتارى» نەمەسە «قازاقستاننىڭ كيەلى جەرلەرىنىڭ گەوگرافياسى» جوباسىن قولعا الۋدى تاپسىردى. ءاربىر حالىقتىڭ، ءاربىر وركەنيەتتىڭ جالپى ۇلتتىق سيپاتقا يە قاسيەتتى جەرلەرى بار. بۇل - رۋحاني ءداستۇردىڭ نەگىزى. قازاقستان ءۇشىن بۇل وتە ماڭىزدى، سەبەبى باي تاريحقا يە، كيەلى دە كەڭ- بايتاق جەرگە يە قازاقستان ەش قيىندىقتارعا، سۇراپىل زاماندارعا قاراماستان، اتالمىش كيەلى جەرلەردىڭ گەوگرافياسىمەن بايلانىستى ۇزگەن ەمەس. وسى تۇرعىدا، پرەزيدەنت  ۇلىتاۋ تورىندەگى جادىگەرلەر كەشەنىن، قوجا احمەت ياساۋي ماۆزولەيىن، تارازدىڭ ەجەلگى ەسكەرتكىشتەرىن، بەكەت اتا كەسەنەسىن، التايداعى كونە قورىمدار مەن جەتىسۋدىڭ كيەلى مەكەندەرىن جانە باسقا دا جەرلەردى ءوزارا ساباقتاستىرۋدى تاپسىردى. وسى جەرلەردىڭ بارلىعى - ءبىزدىڭ ۇلتتىق بىرەگەيلىگىمىزدىڭ كەرەگەسى»، - دەپ اتاپ ءوتتى مينيستر بۇگىن ۆەدومستۆونىڭ القا ماجىلىسىندە.

 ونىڭ اتاپ كورسەتكەنىندەي، تۋريزم ماڭىزدىلىعى جاعىنان ەنەرگەتيكا، اگروونەركاسىپتىك كەشەن، ساۋدا، كولىك، يندۋستريالاندىرۋ سالالارىمەن ءبىر دەڭگەيدە تۇر. سول سەبەپتى وسى باعىتتاعى تاقىرىپتار جەكە- جەكە تالداناتىن بولادى.

«سوندىقتان، وسى ورايدا، مادەنيەت ينستيتۋتى مەن تۋريزم كوميتەتىنە، مۇددەلى تاراپتارمەن بىرگە ءبىر اي ىشىندە قازاقستاننىڭ كيەلى ورىندارىنىڭ كارتاسىن جاساقتاۋدى تاپسىرامىن. سونىمەن قاتار ولاردى كەڭىنەن زەرتتەپ، ارى قاراي ناسيحاتتاۋعا باعىتتالعان جوسپار جاساقتالۋى ءتيىس. ءوز كەزەگىندە مادەنيەت دەپارتامەنتى Discovery (ديسكاۆەري)، National Geographic (نەشنل دجەوگرافيك) تەلەارنالارىمەن بىرلەسىپ، قازاقستان تۋرالى عىلىمي- تانىمال فيلمدەر سەرياسىن شىعارۋ ماسەلەسىن تياناقتاۋى قاجەت»، - دەدى مينيستر.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى