قازاقستاننىڭ «اناعا اپارار جول» فيلمى ورتالىق ازيانىڭ ۇزدىگى اتاندى

«ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» ا ق- نىڭ «نوۆىي مير» ج ش س- ءنىڭ قاتىسۋىمەن تۇسىرگەن «اناعا اپارار جول» فيلمى بىشكەكتە وتكەن «ا ق ءىلبىس» اتتى VI ۇلتتىق كينوجۇلدەسىندە ورتالىق ازيانىڭ ۇزدىك فيلمى اتاندى»، - دەلىنگەن حابارلامادا.

باس پروديۋسەر ءاليا نازاربايەۆا مەن رەجيسسەر اقان ساتايەۆتىڭ بىرلەسىپ شىعارعان «اناعا اپارار جول» اتتى تۋىندىسى ءۇش نوميناتسيا بويىنشا، اتاپ ايتساق، «ورتالىق ازيانىڭ ۇزدىك فيلمى»، «ورتالىق ازيانىڭ ۇزدىك اكتەرى» (ۇمىتكەر بولعان - اكتەر ءادىل احمەتوۆ)، «ورتالىق ازيانىڭ ۇزدىك اكريساسى» (ۇمىتكەر بولعان - اكريسا التىناي نوگەربەك) نوميناتسيالارى بويىنشا قاتىسقان.

سونداي-اق، وسى جۇلدەلەرگە وزبەكستان مەن تاجىكستاننىڭ كارتينالارى دا ۇسىنىلعان بولاتىن. ۇلتتىق جۇلدەنى رەجيسسەر اقان ساتايەۆقا قىرعىزدىڭ كينورەجيسسەرى، قىرعىزستان رەسپۋبليكاسىنىڭ حالىق ءارتىسى، اتالمىش پرەميانىڭ قۇرىلتايشىلارىنىڭ ءبىرى ارتىقباي سۇيىندىكوۆ جانە لوس-انجەلەستەگى ازيالىق كينوفەستيۆالىنىڭ ۇيلەستىرۋشىسى اسەل شەرنيازوۆا تابىستادى.

«تۇسىرۋ توبىن وسى جەڭىسپەن قۋتتىقتايمىن. «اناعا اپارار جول» - ورتالىق ازيانىڭ ۇزدىك فيلمى»، - دەپ جازدى رەجيسسەر اقان ساتايەۆ ءوزىنىڭ Instagram پاراقشاسىندا.

فيلم ءومىردىڭ اۋىرتپالىعىنا توتەپ بەرگەن، قيىن قىستاۋ كۇندەرى سۇراپىل سوعىستىڭ مەحناتىن كورگەن باستى كەيىپكەردىڭ تاعدىرىن باياندايدى. كينوتۋىندى انانىڭ پەرزەنتىنە دەگەن شەكسىز ماحابباتى تۋرالى، پەرزەنتىنىڭ وتانىنا دەگەن ادالدىعى جايلى باياندايدى.

اتالعان كارتينا 38-حالىقارالىق ماسكەۋ كينوفەستيۆالىندە جانە «ەۋرازيالىق كوپىر» اتتى فەستيۆالگە قاتىسىپ، باس جۇلدەنى يەمدەنسە، اكتريسا التىناي نوگەربەك «ۇزدىك ايەل ادام ءرولى» نوميناتسياسىندا جەڭىسكە جەتتى.

ودان بولەك، بۇل تۋىندى بيىل قازاقستان كينوسىنشىلارى قاۋىمداستىعى ۇيىمداستىرعان «سىنشىلار تاڭداۋى» اتالىمىندا ءۇش بىردەي جۇلدەنى يەمدەندى.

اتاپ ايتساق، «ەڭ ۇزدىك اكتريسا» رەتىندە - التىناي نوگەربەك، «ەكىنشى پلانداعى ۇزدىك اكتريسا» رەتىندە ارۋجان جازىلبەكوۆا تانىلدى. ال «فيلمگە جازىلعان ۇزدىك مۋزىكا» نوميناتسياسىن اتالمىش كارتينا كومپوزيتورلارى ءالىم زايروۆ پەن رومان ۆيشنيەۆسكي ءبولىستى.

2012-جىلى قىرعىزستاننىڭ تانىمال كينەماتوگرافيستەرى ۇيىمداستىرعان «ا ق ءىلبىس» اتتى تۇڭعىش ۇلتتىق كينوجۇلدەسى وتكەن جىلدىڭ ۇزدىك فيلمدەرىن انىقتايتىن ەلەۋلى ءىس-شارا. كينوجۇلدە قىرعىزستاننىڭ كينەماتوگرافيستەر وداعىنىڭ، «ايتىش» قوعامدىق ۇيىمى مەن قىرعىزستان رەسپۋبليكاسىنىڭ كينودامىتۋ قورىنىڭ قولداۋىمەن تاپسىرىلادى.

«ورتالىق ازيانىڭ ۇزدىك فيلمى» نوميناتسياسى العاش رەت 2010-جىلى تابىستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى