بالۋان شولاق تۋرالى كوركەم فيلم تۇسىرىلمەك

كينو سەناري م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا ساحنالانعان «جاۋجۇرەك» پەساسىنىڭ جەلىسى بويىنشا جازىلعان، دەپ حابارلايدى قازاقپارات ءتىلشىسى كينوستۋديا باسپا ءسوز قىزمەتىنە سىلتەمە جاساي وتىرىپ.

«قازىرگى تاڭدا ءتۇسىرىلىم توبى تولىقتاي جاساقتالعان. دايىندىق كەزەڭىندە تۇرعان ءتۇسىرىلىم فيلمگە قاجەتتى كيىمدەردى تىگىپ، رەكۆيزيتتەر ازىرلەپ، دەكوراتسيالار تۇرعىزىپ جاتىر.

فيلمنىڭ تۇسىرىلىمدەرى الماتى جانە سولتۇستىك قازاقستان وبلىستارىندا وتەدى. فيلمنىڭ رەجيسسەرى - نۇرگەلدى سادىعۇلوۆ»، - دەلىنگەن تاراتىلعان حابارلامادا.

نۇرگەلدى سادىعۇلوۆتىڭ ايتۋىنشا، بۇل جوبا ونىڭ كوپتەن بەرى ماقسات ەتكەن ارمانى بولعان. «مەن بالۋان شولاق تۇلعاسىنا 1998-جىلى ت. جۇرگەنوۆ اتىنداعى ونەر اكادەمياسىندا وقىپ جۇرگەنىمدە قاتتى قىزىقتىم. سول كەزدەن باستاپ، وسى كىسى جايلى فيلم تۇسىرگىم كەلدى. بالۋان شولاقتىڭ بويىندا اقىندىق، سەرىلىك، انشىلىك جانە الىپ قارا كۇش تە بار. ونىڭ ەلىنە، جەرىنە، وتانعا دەگەن ماحابباتى ءارقايسىمىزعا ۇلگى بولارلىق. مەنىڭ ويىمشا، بۇگىنگىنىڭ جاستارى بالۋان شولاقتاي ەردى ءبىلۋى ءتيىس»، - دەدى فيلمنىڭ رەجيسسەرى نۇرگەلدى سادىعۇلوۆ.

فيلمنىڭ سەناريى بىرنەشە جىل بويى جازىلعان جانە قايتا وڭدەلگەن. ءتۇسىرىلىم توبى فيلمنىڭ ساپالى شىعۋى ماقساتىندا كەڭەسشىلەردى تارتقان.

ولاردىڭ قاتارىندا: كوركەمدىك جەتەكشىسى س. نارىمبەتوۆ، كوركەمدىك كەڭەسشىلەرى ە. تولەۋتاي، ب. ىستىبايەۆ، ب. بەدەلحاندار بار. كارتيناعا تانىمال اكتەرلەرمەن قاتار، ەكرانعا العاش شىعىپ جاتقان دەبيۋتانتتار دا تۇسەدى. ءبىراق ولاردىڭ ەسىمدەرى ءالى اتالماي وتىر. «اكتەرلار ىرىكتەلدى. الايدا باس كەيىپكەردى ءازىر ايتا المايمىن. سەبەبى، ەكى اكتەردىڭ اراسىندا تاڭداۋ ۇستىندەمىن»، - دەيدى رەجيسسەر.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى