فينالدا ميكروفون ءۇزىلىپ ديماشتىڭ داۋسى باسەڭدەپ قالدى - قىتاي سايتى
ينتەرنەت قولدانۋشىلارىنىڭ ايتۋىنشا، ءاندى ايتىپ كەلە جاتىپ، سوڭىنا قاراي ديماشتىڭ داۋىسى مۇلدەم باسەڭدەپ كەتكەن. جۇپتىق ونەر كورسەتۋ بارىسىندا تەك ديماشتىڭ جۇبى شاڭ ۆەنجەنىڭ داۋىسى عانا ەستىلگەنىن ايتادى جانكۇيەرلەر.
«سونىمەن قاتار، تاعى ءبىر قىتاي ءانشىسى دجاڭ بيچىن دە ءان ايتىپ كەلە جاتىپ، ورتاسىنا كەلگەندە ميكروفوننان اقاۋ شىعىپ، داۋىسى مۇلدەم ەستىلمەي قالدى. وسىلايشا، ءانشى ميكروفوندى جاقىنداتىپ ايتۋعا تىرىستى. ينتەرنەت قولدانۋشىلارىنىڭ بولجامى بويىنشا، دجاڭ بيچىن ساحناعا شىعىپ ءان ايتىپ جاتقان كەزدە، ميكروفوننان اقاۋ شىققانىن سەزىپ، ميكروفونعا جاقىنداۋ ارقىلى ءوزىنىڭ داۋىسىن كوتەرمەك بولعان. ەكەۋى دە ايتارلىقتاي تانىمال ءارى مىقتى انشىلەر، ساحنادا ميكروفوننان اقاۋ تۋىنداعانىنا قاراماستان، ولار جاقسى ونەر كورسەتە الدى. سوڭىندا ديماش ەكىنشى ورىنعا يە بولىپ، دجاڭ بيچىن التىنشى ورىن الدى. بۇل ايتارلىقتاي جاقسى ناتيجە»، - دەپ جازادى قىتاي سايتى.
