فەيسبۋكتىڭ تىكەلەي ەفيرىندە ەر ادام ءولتىرىلدى
قالالىق پوليتسيا باسقارماسىنىڭ مالىمەتىنشە، ستيۆ ستيۆەنس كوشەدە كەتىپ بارا جاتقان بەيتانىس قاريانى باسىنان اتىپ، قىلمىس ورنىنان ەش الاڭسىز بوي تاسالاعان جانە ونىسىن Facebook Live ارقىلى كورسەتكەن.
ال Associated Press اگەنتتىگىنىڭ جازۋىنشا، جاسالعان قىلمىستىڭ ۆيدەوسى ستيۆەنستىڭ پاراقشاسىندا ءۇش ساعاتقا جۋىق ۋاقىت تۇرعان، كەيىن ول الىنىپ تاستالدى. ەر ادام الەۋمەتتىك جەلى ارقىلى وزگە دە كوپتەگەن قىلمىستاردى جاساعانىن ايتقان.
ءبىراق بۇل مالىمدەمەلەرىنىڭ ناقتىلىعى ءالى انىقتالمادى. پوليتسەيلەر وزدەرىنىڭ Twitter- اككاۋنتارىندا كۇدىكتىنىڭ فوتوسىن جاريالادى ءارى ونىڭ اسا قاۋىپتى جانە قارۋلى ەكەنىن اتاپ ءوتتى.
