نازاربايەۆتىڭ ءاربىر جاڭالىعى ۇلكەن ساياسات الەمىندەگى ەرەكشە وقيعا - ازەربايجان ساراپشىسى
ول ەۋرازيانىڭ وزىندىك كومپاسى ىسپەتتەس. ەلباسىنىڭ «بولاشاققا باعدار: قوعامدىق سانانى جاڭعىرتۋ» ماقالاسىنا پىكىر بىلدىرگەن ساياساتتانۋشى، ازەربايجان جاڭالىقتارى اقپاراتتىق اگەنتتىگىنىڭ ديرەكتورى گيۋلنارا مامەدزادە وسىلاي دەدى، دەپ حابارلايدى «قازاقپارات» ءتىلشىسى.
«قازاق كوشباسشىسىنىڭ حالىقارالىق ارەناداعى بەدەلى بيىك، الايدا مۇنداي دەڭگەيدەگى ساياساتتىڭ ناتيجەلىگىنىڭ كورسەتكىشى - ونىڭ ءبىرىنشى كەزەكتە ءوزىنىڭ حالقىنىڭ يگىلىگى ءۇشىن جۇزە اسىرىلاتىندىعىندا. ول وتە نازىك ساياسي سەزىمتالدىققا يە جانە ىلعي دا ءبىر قادام الدىدا جۇرەدى. سول سەبەپتى دە قازاقستان پوستكەڭەستىك كەزەڭنەن سوڭ كۇردەلى مەملەكەتتىك دامۋ ۇردىسىنەن جەڭىل ءوتتى»، - دەپ قوستى ساراپشى.
ونىڭ سوزىنشە، مەملەكەت باسشىسى تاجىريبەلى ساياساتكەر رەتىندە ساياسي جانە ەكونوميكالىق رەفورمالاردى ءىس جۇزىندە جۇزەگە اسىرۋ ءۇشىن قوعامدىق سانانىڭ ماڭىزدىلىعىن جاقسى تۇسىنەدى.
ال ءوزىنىڭ ىشكى پروبلەمالارىمەن قاتار سىرتقى اسەرلەرگە دە بەيىم ۇلتتىڭ رۋحىن سىندىرماي، ۇستاپ تۇرۋ وڭاي شارۋا ەمەس.
«شاماسى قازاقستان پرەزيدەنتىنىڭ قوعامدىق سانانى جاڭعىرتۋ تۋرالى ايتقانى دا سوندىقتان بولار. وسىعان سايكەس، جاڭا زامانعى جاڭعىرتۋدىڭ العاشقى شارتى رەتىندە قازاقستان باسشىسى ءوزىنىڭ مادەنيەتى مەن ۇلتتىق كودتىڭ ساقتالۋىن اتاپ وتىر»، - دەيدى ساراپشى.
سونىمەن قاتار كورەگەندى بيلىك قازىرگى زامانعى ۇردىستەردى سەرگەك باعامداي وتىرىپ، رۋحاني قۇندىلىقتاردىڭ، جاھاندىق پسيحولوگيالىق قۇرالداردىڭ ىقپالىنىڭ اسەرىنەن تاريحي، مەنتالدى داستۇرلەردىڭ قۇلدىراۋى، سياقتى نەگاتيۆتى فاكتورلاردى تەجەي وتىرىپ، الدىن الا قامداناتىن بولادى.
