ق ر پرەزيدەنتى ۇلتتىق بىرەگەيلىكتىڭ تۇسىنىگىنە ناقتى سيپاتتاما بەردى - ساراپشى
بۇنداي پىكىردى ق ر پرەزيدەنتى جانىنداعى مەملەكەتتىك باسقارۋ اكادەمياسى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ جەتەكشىسى ايگۇل ءسادۋاقاسوۆا ايتتى، دەپ حابارلايدى قازاقپارات.
«ءدال وسى تۇسىنىك كوبىنەسە پىكىرتالاستار ءۇشىن سەبەپ بولىپ ءجۇردى. مەملەكەت باسشىسى تاريح پەن ۇلتتىق ءداستۇر مىندەتتى تۇردە ەسكەرىلۋى تيستىگىن اتاپ وتكەن. بۇل حالىقتىڭ وتكەن، قازىرگى جانە بولاشاقتاعى كوكجيەكتەرىن ءوزارا بايلانىستىراتىن تۇعىرناما»، - دەدى ءسادۋاقاسوۆا.
ونىڭ پايىمىنشا، پرەزيدەنت حالقىمىزدىڭ تاعدىرىنىڭ قيىندىعىنا تاريحي باعا بەرىپ وتىر.
«كوشپەلى قوعام مادەنيەتىنەن قازىرگى زامانعى ۇلتقا قاراي تاريحي قىسقا مەرزىمدە ءۇش وتە ماڭىزدى ترانسفورماتسيا ارقىلى وتكەن جولىمىز بولاشاق الدىندا قاۋىپتى سىن-قاتەر بولدى. وسى قاتاڭ جاعدايلاردا ۇلتتىق رۋح، داستۇرلەر مەن پاتريوتيزمنىڭ، پراگماتيزمنىڭ جانە ادامگەرشىلىكتىڭ كۇشى حالىقتى بىرىكتىرەتىن نەگىزدى ساقتاي الدى»، - دەدى ساراپشى.
وسى ورايدا ول ەگەر دە حالقىمىز دۇنيەجۇزىنە ءوزىنىڭ كىم ەكەنىن ايقىن كورسەتپەسە، قازىرگى الەم مەيىرىمدىلىك تانىپايتىنىن اتاپ ءوتتى.
«بۇل تۇرعىدا گۋمانياتارلىق ءبىلىم ەلەۋلى ءرول اتقارادى. ياعني وسى رەتتە سىني كوزقاراسپەن ويلاۋ، كوپ ءتىلدى مەڭگەرۋ، اشىق ءارى سىندارلى بولۋ قادامدارى قامتىلادى. ەلباسى ماقالاسىندا: «ءبىز تاريح، ساياساتتانۋ، الەۋمەتتانۋ، فيلوسوفيا، پسيحولوگيا، مادەنيەتتانۋ جانە فيلولوگيا عىلىمدارى بويىنشا ستۋدەنتتەرگە تولىققاندى ءبىلىم بەرۋگە قاجەتتى بارلىق جاعدايدى جاساۋعا ءتيىسپىز» دەپ قاداپ ايتتى. بۇل ءوز كەزەگىندە ۇلتتىڭ شىعارماشىلىق، زياتكەرلىك ءارى قۇندىلىق تۇرعىسىندا دامۋىنا جاھاندىق مۇمكىندىكتەر اشادى»، - دەدى ءسادۋاقاسوۆا.
پرەزيدەنت وسى ماقساتتى ىسكە اسىرۋدىڭ تەتىكتەرىن ناقتى ايقىنداپ بەرگەن بولاتىن. «گۋمانيتارلىق زيالى قاۋىم وكىلدەرى ەلىمىزدىڭ جوعارى وقۋ ورىندارىنداعى گۋمانيتارلىق كافەدرالاردى قايتا قالپىنا كەلتىرۋ ارقىلى مەملەكەتتىڭ قولداۋىنا يە بولادى. بىزگە ينجەنەرلەر مەن دارىگەرلەر عانا ەمەس، قازىرگى زاماندى جانە بولاشاقتى تەرەڭ تۇسىنە الاتىن ءبىلىمدى ادامدار دا اۋاداي قاجەت»، - دەپ ناقتىلاپ ءوتتى ن. نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىندا»، - دەيدى ول.
ساراپشىنىڭ سوزىنە قاراعاندا، پرەزيدەنتتىڭ ايقىنداپ بەرگەن باعىتتارىنا وراي مەملەكەتتى الداعى ۋاقىتتا اۋقىمدا جۇمىستار كۇتىپ تۇر.
«بۇل جاڭا يدەيالار مەن عىلىمي جاڭالىقتاردىڭ عاسىرى. بۇگىندە ءبىزدىڭ بۋىن قانداي نەگىزدى قالاسا، سوعان ۇلتىمىزدىڭ كودى مەن رۋحاني تۇرپاتى بايلانىستى بولادى»، - دەدى ول.
ەستەرىڭىزگە سالا كەتەيىك، وتكەن اپتادا بۇقارالىق اقپارات قۇرالدارىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسى جاريالانعان بولاتىن.
