جەلى قولدانۋشىلارى ورالدىق جىگىتتى رونالدينومەن سالىستىردى
ول فۋتبول فريستايلىمەن شۇعىلدانىپ جاتقان جەرلەرىن ۆيدەوعا ءتۇسىرىپ، Instagram جەلىسىندە جاريالاعان.
ايبولات 19 جاستا، 3,5 جىلدان بەرى فۋتبول فريستايلىمەن اينالىسىپ كەلەدى. ول جاتتىعۋلاردى عالامتورداعى روليكتەرگە قاراپ، وزدىگىنەن جاسايدى ەكەن. «بۇل دا ءبىر سپورت ءتۇرى، ءبىراق كوبىنەسە شوۋ رەتىندە شىعار. مەن سپورتتىڭ وسىنداي تۇرىنە قاتتى قىزىقتىم. عالامتوردان روليكتەردى كورە باستادىم. اتاقتى رونالدينو ەسىمدى فۋتبولشى بار، مەن سونىڭ ونەرىن كورىپ، مەن نەگە وسىنى ۇيرەنبەيمىن دەپ ويلادىم. مەن جالعىز ءوزىم ۇيرەندىم، ەشكىم جاتتىقتىرعان جوق. فۋتبول ويناعانمىن، ءقازىر تاستاپ كەتتىم»، - دەيدى قۇباشەۆ.
قازىرگى ۋاقىتتا جاس تالانت ورال قالاسىنداعى ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىندە سپورت فاكۋلتەتىندە وقيدى جانە فۋتبول فريستايلىمەن شۇعىلدانادى ەكەن. ول ءوزىنىڭ وسى باستاماسىن قولداعان بارشا قازاقستاندىقتارعا العىس ءبىلدىردى.
«بارلىقتارىڭىزعا راقمەت. مەن وسى باعىتتى دامىتسام دەيمىن، سەبەبى قازاقستاندا ازىرگە مۇنداي جوق. ءبىراق مامىر ايىنىڭ باسىندا استانادا فۋتبول فريستايلىنان جارىس ۇيىمداستىرىلادى، سوعان قاتىسامىن»، - دەدى قۇباشەۆ.
