ءتورت وبلىس اۋماعىنداعى جولدار جابىلدى

«قازاۆتوجول» ر م ك مالىمەتىنە قاراعاندا، بۇگىن تاڭەرتەڭنەن باستاپ اقمولا وبلىسى ارقىلى وتەتىن «ەكاتەرينبور- الماتى» جولىنىڭ 915-1006 شاقىرىمىنداعى جاقسى مەن اتباسار ارالىعىندا (964- شاقىرىمىن سۋ شايعان) جول جابىق. ال قاراعاندى وبلىسى اۋماعىنداعى «اقشاتاۋ- اعادىر» اۆتوجولىنىڭ 90-195 شاقىرىمى (166 شاقىرىم +750 م. جولدى سۋ شايدى) ارالىعىنداعى قوزعالىس شەكتەلدى.

اينالما جول - «قاراعاندى- اقسۋ- ايۋلى- اقادىر» ارقىلى. «قاراعاندى- اياگوز- بۇعاز» اۆتوجولىنىڭ 17-217 شاقىرىمىنداعى (43,141, 169, 174, 178 شاقىرىمدى سۋ شايدى) قاراعاندىدان قارقارالىعا دەيىن جول جابىق تۇر. سونىمەن قاتار «باستاۋ- اقتاۋ- تەمىرتاۋ» جولىنىڭ 1-12 شاقىرىمىنداعى باستاۋدان اقتاۋ كەنتىنە دەيىنگى ۋچاسكەدە كولىكتەردىڭ جولعا شىعۋىنا تىيىم سالىندى.

ال شىعىس قازاقستان وبلىسىندا «سەمەي- قاينار» جولىنىڭ 8-166 -شاقىرىمىندا (27 شاقىرىمدى سۋ شايعان) قوزعالىس شەكتەلدى. اينالما جول - «سەمەي- قاراۋىل». و ق و- دا سۋ تاسقىنىنا بايلانىستى «سامارا- شىمكەنت» اۆتوجولىنىڭ 2217-2235 شاقىرىمى ارالىعىندا (2229 شاقىرىم كوپىر) كولىكتىڭ بارلىق تۇرىنە قوزعالىس شەكتەلدى. ارىس وزەنى ارقىلى وتەتىن جاعالاۋ مەن كوپىر تىرەكتەرىن سۋ شايىپ كەتتى. اينالما جول - تامەرلانوۆكا اۋىلى ارقىلى. قازاۆتوجولدا اتاپ وتكەندەي، سۋ باسۋى مۇمكىن ۋچاسكەلەردە نىعايتۋ، بەكىتۋ جۇمىستارى ءجۇرىپ جاتىر، الدىن الۋ بەلگىلەرى قويىلىپ، تاۋلىك بويى كەزەكشىلىك ۇيىمداستىرىلدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى