ستۋدەنتتەر عاشىقتار كۇنى قوزى كورپەش پەن بايان سۇلۋعا اينالدى
بايقاۋداعى جۇپتار جارىستىڭ ءتورت كەزەڭىنەن ءوتتى - تانىستىرۋ، پوەتيكالىق بايقاۋ، تەاتر جانە تاريحي كورىنىس. كۋرستاس- كورەرمەندەرگە ولار قازاق حالقىنىڭ ءداستۇرىن كورسەتىپ، ليريكالىق ماحاببات ەپوسىنان ۇزىندىلەر مەن ولەڭدەر وقىدى. بەلگىلى عاشىقتاردىڭ ماحاببات تاريحىنان قويىلىمدار كورسەتتى. جاستار قازىرگى كەزدە قىزدار مەن جىگىتتەر اراسىندا تۋىندايىن ءتۇرلى جاعدايلاردى دا ساحنالاپ بەردى. قاتىسۋشىلار بايقاۋ سوڭىندا بەرگەن بليتس- سۇحباتىندا قوزى كورپەش پەن بايان سۇلۋ تاريحى جاستاردىڭ جادىندا ماڭگى ساقتالاتىنىن، ۋاقىت شەگىنە باعىنبايتىنىن جەتكىزدى.
ەندى ولار قايعىلى اياقتالعان، قوس عاشىقتىڭ ولمەيتىن ماحابباتى جايلى بىلەتىن بولادى. جاستاردىڭ كوبى وزدەرىنىڭ شىنايى، تازا ماحابباتتارىن كۇتىپ جۇرسە، تەك بىرەۋى عانا ءوزىنىڭ عاشىعىمەن سەزىمدى باستان كەشىپ جۇرگەنىن ايتىپ بەردى. قىزدار بۇل سۇراققا جاۋاپ بەرۋگە قىسىلدى، الايدا وزدەرىنىڭ سۇيىكتىلەرىن تاباتىندارىنا سەنىمدى ەكەندەرىن جەتكىزدى.
بايقاۋ قورىتىندىسى بويىنشا ءجۇرسىن جۇمابايەۆ پەن ءىلياس ءىنجۋ ەڭ دارىندى عاشىقتار دەپ تانىلىپ، گران-پريدى جەڭىپ الدى. ءبىرىنشى ورىندى نۇرباقىت تاڭنۇر مەن اقمارال بايمۋرزينا الدى.
ۋنيۆەرستيتەتتىڭ تاربيە جۇمىسى مەن الەۋمەتتىك ماسەلەلەر ءبولىمىنىڭ مامانى ءاليا ايتۋعانوۆا ايتقانداي، قازاقستاننىڭ وسكەلەڭ ۇرپاققا جەتكىزەر ۇلتتىق ۇلى اڭىزدارى، ءوزىنىڭ باتىرلارى، اڭىزدارى، ءداستۇر بار.
