قازاقستاننىڭ باسىم بولىگىندە جەكسەنبى كۇنى جاۋىن-شاشىن بولادى

كەي جەرلەردە تۇمان ءتۇسىپ، سولتۇستىكتە جەل كۇشەيەدى، وڭتۇستىكتە ول شاڭدى داۋىلعا ۇلاسادى، دەپ حابارلادى «قازگيدرومەت» ر م ك.

اقمولا، پاۆلودار، سولتۇستىك قازاقستان وبلىستارىندا جەلدىڭ كۇشى سەكۋندىنا 15-20 مەترگە دەيىن كۇشەيەدى. كەي جەرلەردە بۇل كورسەتكىش 25-30 عا دەيىن جەتەدى. اقمولا، پاۆلودار وبلىستارىنىڭ ءبىرقاتار ايماقتارىندا تۇمان تۇسەدى. قوستاناي وبلىسىندا تۇندە كەي جەرلەردە جەلدىڭ كۇشى سەكۋندىنا 15-20 مەتر بولادى. كەي جەرلەرگە تۇمان تۇسەدى.

قاراعاندى وبلىسىندا جەل 15-20 مەتر/سەكۋندكە دەيىن كۇشەيىپ، جەكەلەگەن اۋدانداردا بۇل كورسەتكىش سەكۋندىنا 25 مەتر بولادى. وڭتۇستىك قازاقستان وبلىسىنىڭ ءبىرقاتار ايماقتارىندا نايزاعايلاتىپ، جەلدىڭ ەكپىنى سەكۋندىنا 15-20 مەترگە جەتەدى، كەي جەرلەردە 23 مەترگە دەيىن ۇلعايادى.

جامبىل،  قىزىلوردا، اتىراۋ، باتىس قازاقستان، اقتوبە، شىعىس قازاقستان وبلىستارىندا جەلدىڭ كۇشى سەكۋندىنا 15-20 مەتر بولادى. تاڭ اتا جانە كۇندىز جامبىل،  قىزىلوردا، اتىراۋ، شىعىس قازاقستان وبلىستارىندا تۇمان تۇسەدى دەپ كۇتىلۋدە. الماتى وبلىسىنىڭ ءبىرقاتار ايماقتارىندا جەلدىڭ ەكپىنى سەكۋندىنا 18-23 مەترگە دەيىن جەتەدى دەپ كۇتىلۋدە جانە اتالمىش ايماقتا قۇمدى داۋىل سوعۋى ىقتيمال، كۇندىز نايزاعاي ۇرادى. ماڭعىستاۋ وبلىسىنىڭ كەي ايماقتارىنا تۇمان تۇسەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى