ديماشقا قولداۋ كورسەتىلىپ كەلدى جانە كورسەتىلە دە بەرمەك - مينيستر

وسىعان دەيىن حابارلانعانىنداي، ديماش قۇدايبەرگەنوۆ «Singer-2017» بايقاۋىنىڭ فينالىندا ەكىنشى ورىن الدى. ديماش پەن قىتايلىق ءانشى قىز شان ۆەنجە مايكل دجەكسوننىڭ The Way You Make Me Feel, Erth song, Billie Jean جانە Dangerous اتتى اندەرىن ورىندادى. جەرلەسىمىز ەكىنشى ورىن الدى. ءبىرىنشى ورىندى گوكونگتىك ونەرپاز لين يليان السا، ءۇشىنشى ورىنعا «Lion» توبى تۇراقتادى.

«بۇل وتە ۇزاق ءارى جانكەشتىلىكپەن وتكەن باسەكە بولدى. بۇل ءبىزدىڭ ديماشىمىزدىڭ ۇلكەن ەڭبەگىنىڭ جەمىسى. ول جارىپ شىقتى جانە ۇلكەن جەتىستىككە قول جەتكىزدى. ديماش پەن ونىڭ اتا-اناسىن، ونىڭ ونەرىنە ءتانتى ءاربىر ازاماتتى، بارلىعىمىزدى وسى جەڭىسپەن قۇتتىقتايمىن!. ءبىز وتە قۋانىشتىمىز جانە كەۋدەمىزدى ماقتانىش كەرنەيدى»، - دەپ جازدى مۇحامەدي ۇلى ءوزىنىڭ Facebook جەلىسىندەگى پاراقشاسىندا.

ءمينيستردىڭ سوزىنشە، رەيتينگ بويىنشا ءبىرىنشى ورىندى العان جەڭىمپازدىڭ كورسەتكىشى فينالدىڭ الدىندا 0,15 ۇپاي عانا بولدى. «ديماش تەك جۇلدىز عانا ەمەس، ول شەكسىز دارىن يەسى. ول الداعى ۋاقىتتا تەك ءوسىپ جەتىلە بەرەتىن بولادى. ونى الدىدا بۇدان كەم ەمەس جارقىن جەڭىستەر كۇتىپ تۇرعانىنا مەن سەنىمدىمىن. ءوزىمنىڭ تاراپىمنان ايتارىم، ديماشقا قاشاندا قولداۋ كورسەتىلىپ كەلدى جانە الداعى ۋاقىتتا دا كورسەتىلە بەرمەك. ديماش التىنىم، ساعان ساتتىلىك تىلەيمىن، ءبىز بارلىعىمىز سەنى ماقتان تۇتامىز»، - دەپ قورىتتى مۇحامەدي ۇلى.

اۆتور: ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى